18-02-2022
20:58
نێچیرڤان بارزانی: ناتۆ هاوکاربێت لە بنیاتنانی توانا ئەمنیی و سەربازییەکانی عێراق
نێچیرڤان بارزانی: ناتۆ هاوکاربێت لە بنیاتنانی توانا ئەمنیی و سەربازییەکانی عێراق
رووداو دیجیتاڵ
سەرۆکی هەرێمی کوردستان و جێگری سکرتێری گشتیی ناتۆ کۆبوونەوە، بەپێی راگەیێندراوی سەرۆکایەتیی هەرێمی کوردستان، "هەڕەشەکانی داعش لە عێراق و سووریا، رۆڵی ناتۆ لە ناوچەکە و هاوئاهەنگیی نێوان هەردوولا بۆ رووبەڕووبوونەوەی تیرۆر قسەیان لەسەر کراوە."
ئێواره‌ى ئه‌مڕۆ شه‌ممه 19-02-2022 له به‌رده‌واميى دووه‌م رۆژى چالاكييه‌كانيدا له كۆنفرانسى ئاسايشى ميونشن، نێچيرڤان بارزانى، سه‌رۆكى هه‌رێمى كوردستان له‌گه‌ڵ مێرسيا گيۆنا، جێگرى سكرتێرى گشتيى ناتۆ كۆبووه‌وه. لەو بارەوە سەرۆکایەتیی هەرێمی کوردستان راگەیێندراوێکی بڵاوکردەوە و دەڵێت، "ناتۆ، نێردەی خۆی لە عێراق بە گرنگ لە قەڵەمداوە."
لە راگەیێندراوەکەی سەرۆکایەتیی هەرێمی کوردستاندا هاتووە، "نێچيرڤان بارزانى له كۆبوونه‌وه‌كه‌دا پوخته‌يه‌كى ده‌رباره‌ى دۆخى سياسى و ئه‌منيى عێراق خستەڕوو. تيايدا باسى له هه‌ڕه‌شه و مه‌ترسييه‌كانى داعش له عێراق و سووريا كرد، ئاماژه‌ى به هاريكارى و هاوئاهە‌نگيى نێوان پێشمه‌رگه و سوپاى عێراق به تايبه‌تى له ناوچه‌كانى بۆشايی ئه‌منيیدا كردووە."
بەپێی راگەیێندراوی سەرۆکایەتیی هەرێمی کوردستان، سکرتێری گشتیی ناتۆ تیشکی خستووەتە سەر ئەرکی ناتۆ لە عێراق و ئەوان بووونی نێردەی ناتۆ لە عێراق بە هەنگاوێکی گرنگ دەبینن بۆ یارمەتیدان، مەشق و راهێنانی سەربازی لە ناوچەکە، لە راگەیێندراوەکەی سەرۆکایەتیی هەرێمی کوردستاندا ئاماژە بەوەش کراوە، مێرسيا گيۆنا باسی لە هەڕەشەکانی داعش لە عێراق کردووە و رایگەیاندووە، "نابێت ئاڵۆزییەکانی ئۆکراینا سه‌ر‌نج له‌سه‌ر مه‌ترسییەکانی تيرۆر له ناوچه‌كه لابدات."
لە بەشێکی دیکەی راگەیێندراوەکەی سەرۆکایەتیی هەرێمی کوردستاندا هاتووە، "سه‌رۆكى هه‌رێمى كوردستان ئاماده‌يى و بوونى ناتۆى له عێراق به كۆڵه‌گه‌يه‌كى گرنگ له قه‌ڵه‌مدا و دووپاتیكرده‌وه كه عێراق و هه‌رێمى كوردستان پێويستييان به بره‌ودان و بنياتنانى توانا ئه‌منیی و سه‌ربازييه‌كان هه‌يه، بۆ ئه‌مه‌ش هيواى خواست ناتۆ بتوانێت هاوكار و يارمه‌تيده‌ر بێت."
20:23
نێچیرڤان بارزانی بۆ رووداو: بڕیارەکەی دادگەی باڵای فیدڕاڵیی عێراق بڕیارێکی زۆر زاڵمانەیە
هەڤپەیڤینی رووداو لەگەڵ نێچیرڤان بارزانی، سەرۆکی هەرێمی کوردستان
نێچیرڤان بارزانی، سەرۆکی هەرێمی کوردستان لەبارەی بڕیارەکەی دادگەی باڵای فیدڕاڵیی عێراق سەبارەت بە نەوت و گازی هەرێمی کوردستان بە رووداوی راگەیاند، کە بڕیارەکە "بڕیارێکی زۆر زاڵمانەیە بەرامبەر بە هەرێمی کوردستان دراوە، هەموو هەوڵێکی خۆمان دەدەین بە گفتوگۆ و لێکتێگەیشتن ئەم بابەتە لەگەڵ عێراق چارەسەر بکەین."
لە دووەم رۆژی کۆنفرانسی ئاسایشی میونشن، نێچیرڤان بارزانی، سەرۆکی هەرێمی کوردستان وەڵامی چەند پرسیارێکی ئاڵا شاڵی، پەیامنێری رووداوی دایەوە و لەبارەی کۆنفرانسەکە گوتی " بۆ ئێمە لە هەرێمی کوردستان ئەم جۆرە کۆنفرانسانە دەرفەتێکە کە راو بۆچوونی خۆمان لەم جۆرە کۆنفرانسانەدا لەگەڵ بەرپرسانی جیهان باس بکەین و بۆچوونی ئەوانیش وەربگرین."
سەرۆکی هەرێمی کوردستان سەبارەت بە بڕیارەکەی دادگەی باڵای فیدڕاڵیی عێراق گوتی "ئەم بابەتە پەیوەندی بە خودی عێراقەوە هەیە، ئەوەش بڕیارێکی زۆر زاڵمانەیە بەرامبەر بە هەرێمی کوردستان دراوە، هەموو هەوڵێکی خۆمان دەدەین بە گفتوگۆ و لێکتێگەیشتن ئەم بابەتە لەگەڵ عێراق چارەسەر بکەین. ئەوەی هەرێمی کوردستان لە کەرتی نەوت کردوویەتی بابەتێکی تەواو دەستوورییە. ئێمە بە پشتبەستن بە دەستووریی هەمیشەیی عێراق ئەو کارانەمان کردووە. ئەم بڕیارەی دادگە پێچەوانەی دەستووری هەمیشەیی عێراقە، لەبەرئەوە ئەوەی گرنگە بەلای هەرێمی کوردستان ئێمە پێمان خۆشە بە گفتوگۆ و لێکتێگەیشتن لەگەڵ بەغدا ئێمە بتوانین چارەسەرێک بۆ ئەم پرسە بدۆزینەوە."
دەقی پرسیار و وەڵامەکانی رووداو لەگەڵ نێچیرڤان بارزانی، سەرۆکی هەرێمی کوردستان
رووداو: جەنابی سەرۆکی هەرێمی کوردستان زۆر سوپاس، سەرۆکی کۆنفرانسی ئاسایشی میونشن بەشداریی جەنابتانی بە گرنگ ناونا، بۆچی ئاسایشی هەرێمی کوردستان بۆ ئاسایشی جیهان گرنگە؟
نێچیرڤان بارزانی: بۆ ئێمە لە هەرێمی کوردستان ئەم جۆرە کۆنفرانسانە دەرفەتێکە، بۆ ئەوانەی کە بەشدارن گوێبیستی پێشهاتەکانی ناوچەکە بە گشتی و عێراق بە تایبەتی بن، چونکە ئەو شتانەی لە عێراق دەبێت لە سووریا کاریگەرییەکی راستەوخۆی هەیە لەسەر کۆی گشتی ئاسایشی جیهانی و ئاسایشی ناوچەیە، بۆ ئێمەش وەک هەرێمی کوردستان دەرفەتێکە کە راو بۆچوونی خۆمان لەم جۆرە کۆنفرانسانەدا لەگەڵ بەرپرسانی جیهان باس بکەین و بۆچوونی ئەوانیش وەربگرین. لەلایەکی دیکەشەوە دەرفەتێکە بەبێ ئەوەی پێویست بە بابەتی پرۆتۆکۆڵی بکات لە نزیکەوە ماوەیەکی کورت دەتوانی خەڵکانێکی زۆر ببینی و ئەو دەرفەتە هەیە کە بیروبۆچوونی هەرێمی کوردستان لەگەڵ سەرکردەکانی جیهان بخەیەڕوو.
رووداو: بەڕێزتان لەگەڵ چەندین بەرپرس و سەرکردەی وڵاتانی جیهان کۆبوونەتەوە، هەرێمی کوردستان چی دەکات بۆ ئەوەی ئەو بڕیارەی دادگەی باڵای فیدڕاڵیی عێراق سەبارەت بە نەوت و گاز قەیرانێکی دیکە تووشی هەرێمی کوردستان نەکات، ئایا بەرپرسانی باڵای جیهان دڵنیاییان دایە بەڕێزتان کە پشتگیری جەنابتان بکەن و رێگربن لە بێدەسەڵاتکردنی هەرێمی کوردستان؟
نێچیرڤان بارزانی: ئەم بابەتە پەیوەندی بە خودی عێراقەوە هەیە، ئەوەش بڕیارێکی زۆر زاڵمانەیە بەرامبەر بە هەرێمی کوردستان دراوە، هەموو هەوڵێکی خۆمان دەدەین بە گفتوگۆ و لێکتێگەیشتن ئەم بابەتە لەگەڵ عێراق چارەسەر بکەین. ئەوەی هەرێمی کوردستان لە کەرتی نەوت کردوویەتی بابەتێکی تەواو دەستوورییە. ئێمە بە پشتبەستن بە دەستووریی هەمیشەیی عێراق ئەو کارانەمان کردووە. ئەم بڕیارەی دادگە پێچەوانەی دەستووری هەمیشەیی عێراقە، لەبەرئەوە ئەوەی گرنگە بەلای هەرێمی کوردستان ئێمە پێمان خۆشە بە گفتوگۆ و لێکتێگەیشتن لەگەڵ بەغدا ئێمە بتوانین چارەسەرێک بۆ ئەم پرسە بدۆزینەوە. لە ئەرزی واقعدا ئەم بابەتە وا بە ئاسانی جێبەجێ ناکرێت، لێرەدا مەبەست یەک خاڵە؛ ئایا مەبەستی لە دەرکردنی ئەم بڕیارە بۆ ئەوەیە کە هەرێمی کوردستان و هاووڵاتیانی تووشی قەیرانێکی گەورە ببن، ئەوە بڕیارێکی زۆر زاڵمانەیە، ئەگەر مەبەستیش گەیشتنە بە ئەنجامێکی باش پێموایە رێگە هەیە بە گفتوگۆ و دانیشتن و بە جیدییەت هەردوولا هەوڵ بدەین چارەسەرێک بۆ ئەو بابەتە بدۆزینەوە کە لە بەرژەوەندی هەرێمی کوردستان و هەموو عێراقیش بێت.
رووداو: کەواتە دەرفەت هەیە بۆ گفتوگۆ و چارەسەری ئەو بابەتە لەگەڵ حکومەتی عێراق؟
نێچیرڤان بارزانی: ئەگەر بەغدا جیدیە بەڵێ دەرفەت هەیە، ئەگەر بابەتەکەش ئەوەیە دەیانەوێت هاووڵاتییانی هەرێمی کوردستان ئەزیەت بخۆن، نەوەڵڵا دەرفەت نییە. پێموایە ئەمڕۆ بەغدا بەرپرسیاریێتی ئەوەی هەیە کە دەبێت ئەو بڕیارە بدات و دەرفەت بە گفتوگۆیەکی زۆر جیدی بدات لەو بابەتەوە، کە من پێموایە ئێمە دەتوانین چارەسەر بۆ ئەم پرسە بدۆزینەوە.
رووداو: لە کۆبوونەوەکاندا هیچ بەڵینێک یان دڵنیاییەکیان دا کە پشتگیری جەنابتان دەبن بۆ نێوەندگیریی یان هاوکاری؟
نێچیرڤان بارزانی: هەموولایەکیان پشتگیری ئەوە دەکەن کە بابەتەکە بەشێوەیەکی گفتوگۆ لەگەڵ بەغدا چارەسەربکرێت، لە هەمانکاتیشدا هەستمانکرد کە نیگەرانی ئەم بابەتەن و پاڵپشتی ئەوەن کە رێگەچارەیەک لەگەڵ بەغدا بۆ ئەم بابەتە بدۆزنەوە.
رووداو: جەنابی سەرۆک زۆربەی بەرپرسان کە لەگەڵ جەنابت کۆبوونەوە لێدوانیان بۆ رووداو دا و ئاماژەیان بەوەدا کە سەرسامن بە هەوڵەکانی جەنابتان بۆ یەکڕیزی و پێکەوەیی، بەڕای بەڕێزتان دەرفەت هەیە بۆ هێزە کوردستانییەکان بە تایبەت پارتی و یەکێتی لەسەر پرسی سەرۆککۆمار رێکبکەون؟
نێچیرڤان بارزانی: وەکو پرەنسیپ ئەوەی بۆ ئێمە وەکو کورد گرنگە یەکڕیزییە، ئێمە بە یەکڕیزی زۆر شتمان دەستکەوتووە کە بەیەکەوە کارمان بۆی کردووە، ئەگەر یەکڕیزیش نەبین بە دڵنیاییەوە زۆر شت لەدەست دەدەین. وەکو پرسەنسیپ ئێستاش ئەو پرەنسیپە هەیە و هیوادارم لە ئەنجامدا لەگەڵ یەکێتی و لایەنەکانی دیکەدا بگەینە ئەنجامێک کە لە بەرژەوەندی هەموو عێراق و هەرێمی کوردستان بێت.
رووداو: لەسەر دەستپێشخەریی سەرۆک بارزانی سەردانی نەجەفتان کرد و لەگەڵ بەڕێز موقتەدا سەدر کۆبوونەوە، ئایا نیازتانە بە نیازن سەردانی بەغدا بکەنەوە بۆ لێکنزیکردنەوەی لایەنەکان؟
نێچیرڤان بارزانی: ئەو دەستپێشخەرییەی سەرۆک بارزانی هێشتاش هەر ماوە، ئێمە لەو چوارچێوەیەدا سەردانی نەجەفمان کرد و ئەگەر پێویست بکات جارێکی دیکەش سەردانی بەغدا دەکەین و بەدڵنیاییەوە ئەو دەستپێشخەرییەی جەنابی سەرۆک بارزانی بۆ ئەوەیە لایەنەکان لە یەکدی نزیک ببنەوە و بگەنە ئەنجامێک کە لەبەرژەوەندی هەموولایەنەکان بێت و بە دڵنیاییەوە ئەگەر پێویست بێت سەردانیان دەکەین، بەڵام ئێستا لە بەرنامەی ئێمەدا هیچ شتێک نییە بەمزووانە ئەم سەردانە بکەین.
رووداو: زۆر سوپاس بۆ ئەم هەڤپەیڤینە.
زیاتر بخوێنەوە
19:33
نێچيرڤان بارزانى سوپاسى هاوكاريى كولتووريى ئه‌ڵمانيا ده‌كات
نێچیرڤان بارزانی، سەرۆکی هەرێمی کوردستان لەگەڵ كلاوديا رۆس، وه‌زيرى ده‌وڵه‌تى ئه‌ڵمانى بۆ كاروبارى كولتوور و ميديا کۆبووەوە
لە درێژەی کۆبوونەوەکانی لە کۆنفرانسی ئاسایشی میونشن، نێچیرڤان بارزانی، سەرۆکی هەرێمی کوردستان لەگەڵ كلاوديا رۆس، وه‌زيرى ده‌وڵه‌تى ئه‌ڵمانى بۆ كاروبارى كولتوور و ميديا کۆبووەوە.
بەپێی راگەیێنراوێکی سەرۆکایەتیی هەرێمی کوردستان لە کۆبوونەوەکەدا باسيان له بايه‌خ و گرنگيى كولتوور وه‌ك پردێكى په‌يوه‌ندى كرد و تيشكيان خسته سه‌ر چالاكييه كولتوورييه‌كانى ئه‌ڵمانيا له هه‌رێمى كوردستان و بره‌ودان به په‌يوه‌ندييه‌كانى هه‌ردوولا له‌م بواره‌دا.
وه‌زيرى ده‌وڵه‌تى ئه‌ڵمانى بۆ كاروبارى كولتوور و ميديا وێڕاى باسكردنى پوخته‌يه‌ك ده‌رباره‌ى به‌رنامه‌ى حكومه‌تى ئه‌ڵمانيا له بوارى كولتووردا، ئاماده‌يى وڵاته‌كه‌ى بۆ هاريكارى له بواره جياكانى كولتووردا بۆ هه‌رێمى كوردستان ده‌ربڕى و ئاماژه‌ى به پرۆژه‌يه‌كى هاوبه‌شى ئه‌ڵمانى ـ فه‌ره‌نسى له قه‌ڵاى هه‌ولێر كرد.
لاى خۆيه‌وه نێچيرڤان بارزانى، سەرۆکی هەرێمی کوردستان وێڕاى سوپاس و پێزانين بۆ پشتگيرييه‌كانى حكومه‌تى ئه‌ڵمانيا و خاتوو ڕۆس وه‌ك دۆستێكى گه‌لى كوردستان، پوخته‌يه‌كيشى ده‌رباره‌ى دوايين پێشهاته‌كانى دۆخى عێراق و هه‌رێمى كوردستان خسته‌ڕوو.
19:12
نێچیرڤان بارزانی: هەرێمی کوردستان پێویستی بە هاریکاریی ئەڵمانیایە
نێچیرڤان بارزانی: هەرێمی کوردستان پێویستی بە هاریکاریی ئەڵمانیایە
رووداو دیجیتاڵ
نێچيرڤان بارزانى له‌گه‌ڵ به‌رپرسانى باڵاى وه‌زاره‌تى به‌رگریی و وه‌زاره‌تى هاريكاريى ئابوورى و گه‌شه‌پێدانى ئه‌ڵمانیا كۆبووەوە، بەپێی راگەیێندراوی سەرۆکایەتیی هەرێمی کوردستان، "بەرپرسانی ئەڵمانیا باسیان لە خواستى بره‌ودانى زياتر به پهيوهندييهكان و فراوانكردنى بواره‌كانى هاريكاريى نێوان هه‌ردوولایان كردووەتەوە."
رۆژی شەممە 19-02-2022 نێچیرڤان بارزانی، سەرۆکی هەرێمی کوردستان لە پەراوێزی رۆژی دووەمی کۆنفرانسی ئاسایشی میونشن لە دوو دیداری جیادا لەگەڵ تۆماس هيتشله‌ر، وه‌زيرى ده‌وڵه‌ت له وه‌زاره‌تى به‌رگریی و نيلز ئه‌نين، وه‌زيرى ده‌وڵه‌ت بۆ هاريكاريى ئابوورى و گه‌شه‌پێدانى ئه‌ڵمانيا كۆبووەوە.
لەبارەی کۆبوونەوەکانیش سەرۆکایەتیی هەرێمی کوردستان لە راگەیێندراوێکدا دەڵێت، "نێچيرڤان بارزانى سوپاس و پێزانينى هه‌رێمى كوردستانى بۆ هاريكارى، پشتگيريى مرۆيى و سه‌ربازيى ئه‌ڵمانيا له عيراق و هه‌رێمى كوردستان ده‌ربڕیوە، تيشكى خستووەتە سەر دروستكردنى نه‌خۆشخانه‌ى پێشمه‌رگه له‌لايه‌ن ئه‌ڵمانياوه، هه‌روه‌ها باسى له مه‌شق و راهێنانى هێزه ئه‌ڵمانييه‌كان به پێشمه‌رگه كردووە."
بەپێی راگەیێندراوی سەرۆکایەتیی هەرێمی کوردستان، نێچیرڤان بارزانی باسی لە پێویستی بەردەامیی هاریکاریی ئەڵمانیا بۆ لەنێوبردنی داعش کردووە، هەروەها باسی لەوەش کردووە، "هه‌رێمى كوردستان له‌ڕووى ژێرخان، بنياتنان و به‌هێزكردنى دامه‌زراوه‌كانيشه‌وه، پێويستى به پشتگيرى و يارمه‌تيى ئه‌ڵمانيا هه‌يه."
لە راگەیێندراوەکەی سەرۆکایەتیی هەرێمی کوردستاندا هاتووە، "لاى خۆيانه‌وه به‌رپرسانى ئه‌ڵمانى وێڕاى ده‌ربڕينى خۆشحاڵى به ئاستى پهيوهندييهكان له‌گه‌ڵ هه‌رێمى كوردستان، جه‌ختيان له خواستى بره‌ودانى زياتر به پهيوهندييهكان و فراوانكردنى بواره‌كانى هاريكاريى نێوان هه‌ردوولا كردووەتەوە."
لە کۆتایی راگەیێندراوەکەیدا، سەرۆکایەتیی هەرێمی کوردستان ئاماژەی بەوە کردووە، دۆخى سياسى له عێراق، پرسى گه‌ڕانه‌وه‌ى ئاواره‌كان و كێشه‌كانى به‌رده‌ميان، هه‌ڕه‌شه و مه‌ترسيه‌كانى سهرههڵدانهوهى داعش، دۆخى ناوخۆى هه‌رێمى كوردستان، بابه‌تى كۆچ و كۆچبه‌ران و تاوتوێكردنى دۆخى ناوچه‌كه به‌گشتى، چه‌ند لايه‌نێكى ديكه‌ى ديداره‌كانی نێوان سەرۆکی هەرێمی کوردستان، وه‌زيرى ده‌وڵه‌ت له وه‌زاره‌تى به‌رگریی و وه‌زيرى ده‌وڵه‌ت بۆ هاريكاريى ئابوورى و گه‌شه‌پێدانى ئه‌ڵمانيا بوون.
زیاتر بخوێنەوە
18:54
سەرۆکی هەرێمی کوردستان و وه‌زيرى ده‌ره‌وه‌ى هیندستان کۆبوونەوە
نێچیرڤان بارزانی، سەرۆکی هەرێمی کوردستان لە چوارچێوەی کۆبوونەوەکانی لە کۆنفرانسی ئاسایشی میونشن لەگەڵ سوبراهمانیام جەیشەنکەر، وەزیری دەرەوەی هیندستان کۆبووەوە
نێچیرڤان بارزانی، سەرۆکی هەرێمی کوردستان لە چوارچێوەی کۆبوونەوەکانی لە کۆنفرانسی ئاسایشی میونشن لەگەڵ سوبراهمانیام جەیشەنکەر، وەزیری دەرەوەی هیندستان کۆبووەوە و دهرفهتهكانى به‌ره‌وپێشبردنى په‌يوه‌ندى و بواره‌كانى هاريكاريى هاوبه‌شى عێراق و هه‌رێمى كوردستان له‌گه‌ڵ هيندستان و زه‌مينه‌ى سه‌رمايه‌گوزارى و وه‌به‌رهێنانى هيندى و كردنه‌وه‌ى ده‌رگە به‌ڕووى كۆمپانيا هيندييه‌كاندا خرايه به‌ر باس و لەبارەی دوايين پێشهاته‌كانى دۆخى سياسى و ئه‌منيى عيراق و ناوچه‌كه‌ش، بيروڕايان گۆڕييه‌وه.
بەپێی راگەیێنراوێکی سەرۆکایەتیی هەرێمی کوردستان وه‌زيرى ده‌ره‌وه‌ى هيندستان سوپاس و پێزانينى وڵاته‌كه‌ى بۆ هه‌رێمى كوردستان ده‌ربڕى بۆ ئه‌و پشتگيريه‌ى له ده‌ستى كارى هندى ده‌يكات و ده‌رفه‌تى كاريان ده‌داتێ، هه‌روه‌ها باسى له به‌رنامه‌ى وڵاته‌كه‌ى بۆ بنياتنان و پيشخستنى تواناكان له هه‌رێمى كوردستان كرد و دووپاتى كرده‌وه كه ده‌توانن له بوارى ته‌ندروستى و بانكدارى و زانكۆييشدا مه‌شق و راهێنان پێشكه‌ش بكه‌ن.
نێچيرڤان بارزانى، سەرۆکی هەرێمی کوردستان وێڕاى دووپاتكردنه‌وه‌ى خواستى هه‌رێمى كوردستان بۆ بره‌ودان به په‌يوه‌ندييه‌كانى له‌گه‌ڵ هيندستان، باسى له ده‌ستى كارى هندى له هه‌رێمى كوردستان كرد كه كۆمه‌ڵێكى پيشه‌گه‌رى كاركه‌رن و هه‌موو پشتگيرييه‌كيان لێده‌كرێت، هه‌روه‌ها سوپاسى به‌رنامه‌ى بنياتنان و پيشخستنى تواناكانى كرد و خواستى هه‌رێمى كوردستانى بۆ پێشوازى له سه‌رمايه‌گوزارى و كۆمپانيا هيندييه‌كان دووپات كرده‌وه.
هەر لە راگەیێنراوەکەدا ئاماژە بەوە کراوە کە فره‌يی نه‌ته‌وه‌يى و ئايينى و ده‌وڵه‌مه‌نديى كولتوورى پێكه‌وه‌ژيان و لێبوورده‌يى له هيندستان، سه‌ردانى هاووڵاتييانى هه‌رێمى كوردستان بۆ چاره‌سه‌ريى پزيشكى له هيندستان و چه‌ند پرسێكى جێى بايه‌خى هاوبه‌ش، لايه‌نێكى ديكه‌ى گفتوگۆى هه‌ردوولا بوو.
زیاتر بخوێنەوەکۆبوونەوەی نێچیرڤان بارزانی، سەرۆکی هەرێمی کوردستان لەگەڵ سوبراهمانیام جەیشەنکەر، وەزیری دەرەوەی هیندستان لە کۆنفرانسی ئاسایشی میونشن#MSC2022 pic.twitter.com/Z5kqu3cEgG
— Rudaw (@Rudawkurdish) February 19, 2022
17:52
جێگرى سه‌رۆكوه‌زيرانی ئوردن: برەو بە پەیوەندییەکانمان لەگەڵ هەرێمی کوردستان دەدەین
جێگرى سه‌رۆكوه‌زيرانی ئوردن: برەو بە پەیوەندییەکانمان لەگەڵ هەرێمی کوردستان دەدەین
رووداو دیجیتاڵ
سه‌رۆكى هه‌رێمى كوردستان له‌گه‌ڵ جێگرى سه‌رۆكوه‌زيران و وه‌زيرى ده‌ره‌وه‌ى ئوردن كۆبووه‌وه، بەپێی راگەیێندراوی سەرۆکایەتیی هەرێمی کوردستان، "لە کۆبوونەوەکەدا باس لەوە کراوە کە هەمووان هاوکاربن بۆ راستەڕێکردنەوەی پرۆسەی سیاسی لە عێراق."
رۆژی شەممە 19-02-2022 لە پەراوێزی دووەم رۆژی کۆنفرانسی ئاسایشی میونشن نێچیرڤان بارزانی، سەرۆکی هەرێمی کوردستان له‌گه‌ڵ ئه‌يمه‌ن ئه‌لسه‌فه‌دى، جێگرى سه‌رۆكوه‌زيران و وه‌زيرى ده‌ره‌وه‌ى ئوردن كۆبووه‌وه، لەو بارەیەوە سەرۆکایەتیی هەرێمی کوردستان راگەیێندراوێکی بڵاوکردەوە، بەپێی راگەیێندراوەکە، "جه‌خت له ئاماده‌يى دوولايه‌نه بۆ بره‌ودان به په‌يوه‌ندييه‌كانى هه‌ردوولا كروەتەوە."
لە راگەیێندراوەکەی سەرۆکایەتیی هەرێمی کوردستاندا هاتووە، "له كۆبوونه‌وه‌كه‌دا ئه‌لسه‌فه‌دى سڵاو و رێزى شا عه‌بدوڵڵاى دووه‌م، شاى ئوردنى به نێچيرڤان بارزانى گه‌ياند و دووپاتیكرده‌وه كه وڵاته‌كه‌ى به بايه‌خ و گرنگييه‌وه له په‌يوه‌ندييه‌كانى له‌گه‌ڵ عێراق و هه‌رێمى كوردستان ده‌ڕوانێت."
دۆخی سیاسیی عێراق تەوەرێکی دیکەی گفتوگۆکانی نێوان سەرۆکی هەرێمی کوردستان و جێگری سەرۆکوەزیرانی ئوردن بوو، بەپێی راگەیێندراوی سەرۆکایەتیی هەرێمی کوردستان، "باس له‌وه كراوە كه ئێستا پرۆسه‌ى سياسى به ئاراسته‌يه‌كى دروستدا ناڕوات و ده‌بێت هه‌مووان هاوکاربن بۆ راسته‌ڕ‌ێكردنه‌وه‌ى پرۆسه‌ى سياسی و دروستكردنى ئارامى و سه‌قامگيريى سياسى."
لە کۆتایی راگەیێندراوەکەی سەرۆکایەتیی هەرێمی کوردستاندا ئاماژە بەوە کراوە، "له كۆبوونه‌وه‌كه‌دا جه‌خت له ئاماده‌يى دوولايه‌نه بۆ بره‌ودان به په‌يوه‌ندييه‌كانى هه‌ردوولا كراوەتەوە، نێچيرڤان بارزانى وێڕاى سوپاس و پێزانين بۆ پشتگيرى و په‌يوه‌ندييه دێرينه‌كانى ئوردن له‌گه‌ڵ هه‌رێمى كوردستان، سڵاو و رێزى بۆ شاى ئوردن نارد."
17:09
شاندێکی کۆنگرێسی ئەمریکا: بە بایەخەوە لە هه‌رێمى كوردستان دەڕوانین
شاندێکی کۆنگرێسی ئەمریکا: بە بایەخەوە لە هه‌رێمى كوردستان دەڕوانین
سه‌رۆك و سه‌رۆكوه‌زيرانى هه‌رێمى كوردستان له‌گه‌ڵ شاندێکی باڵاى کۆنگرێسی ئەمریکا کۆبوونەوە، شاندەکە بە سەرۆکایەتیی لیندزی گراهام، ئەندامی کۆمارییەکان لە کۆنگرێس بوو. شاندەکە رایانگەیاندووە کە "كۆنگرێس به بايه‌خه‌وه له هه‌رێمى كوردستان ده‌ڕوانێت."
زیاتر بخوێنەوە
16:45
سەرۆکی خاچی سووری نێودەوڵەتی بۆ نێچیرڤان بارزانی: لە کاری هاوبەش بەردەوام دەبین
سەرۆکی خاچی سووری نێودەوڵەتی بۆ نێچیرڤان بارزانی: لە کاری هاوبەش بەردەوام دەبین
رووداو دیجیتاڵ
سەرۆکی هەرێمی کوردستان و سەرۆکی خاچی سووری نێودەوڵەتیی کۆبوونەوە، پيته‌ر ماورێر، سه‌رۆكى خاچى سوورى نێوده‌وڵه‌تی سوپاسی نێچیرڤان بارزانی، سەرۆکی هەرێمی کوردستانی کردووە لە بەرامبەر ئەو هاریکارییانەی کە لەهەرێمی کوردستانەوە بۆ رێکخراوی خاچی سووری نێودەوڵەتیی کراوە.
پێشنيوه‌ڕۆى ئه‌مڕۆ شه‌ممه 19-02-2022 نێچيرڤان بارزانى، سه‌رۆكى هه‌رێمى كوردستان له دووه‌م رۆژى چالاكييه‌كانيدا له كۆنفرانسى ئاسايشى ميونشن، له‌گه‌ڵ پيته‌ر ماورێر، سه‌رۆكى خاچى سوورى نێوده‌وڵه‌تى كۆبووه‌وه. لەو بارەیەوە سەرۆکایەتیی هەرێمی کوردستان راگەیێندراوێکی بڵاوکردووەتەوە و دەڵێت، "بارودۆخی عێراق، پەرەسەندنەکانی داعش لە سووریا، هێرشی داعش بۆسەر زیندانی غوێران و دۆخی عێراق بە گشتیی تاوتوێکراوە."
لە راگەیێندراوەکەی سەرۆکایەتیی هەرێمی کوردستاندا هاتووە، "نێچیرڤان بارزانی رۆڵى رێكخراوى خاچى سوورى نێوده‌وڵه‌تیی به‌رز نرخاندووە به تايبه‌تى له‌و ناوچانه‌ى ئاڵۆزى و ناسه‌قامگيرييان تێدايه، هه‌روه‌ها سوپاسى رێكخراوه‌كه‌ى كردووە بۆ كار و چالاكييه مرۆييه‌كانى له هه‌رێمى كوردستان، هه‌موو پشتگيریی و ئاماده‌يييه‌كى هه‌رێمى كوردستانى بۆ به‌رده‌واميى هاريكارى له‌گه‌ڵياندا دووپاتكردو‌وەتەوە."
بەپێی راگەیێندراوەکەی سەرۆکایەتیی هەرێمی کوردستان، پيته‌ر ماورێر پوختەیەکی لەسەر چالاکییەکانیان لە هەرێمی کوردستان پیشکەشکردووە و سوپاسی نێچیرڤان بارزانی کردووە بۆ ئەو هاوکاریی و هاوئاهەنگییەی کە لەلایەن دامەزراوەکانی هەرێمی کوردستانەوە لەگەڵ رێكخراوى خاچى سوورى نێوده‌وڵه‌تیی ده‌كرێت. هەروەها لە راگەیێندراوەکەشدا هاتووە، پيته‌ر ماورێر گوتوویەتی، "بە بايه‌خه‌وه سه‌يرى بوونمان له هه‌رێمى كوردستان ده‌كه‌ين و له هاريكاريى هاوبه‌شمان به‌رده‌وام ده‌بين."
بەپێی راگەیێندراوەکەی سەرۆکایەتیی هەرێمی کوردستان، هه‌ردوولا هاوڕابوون كه له رۆژهه‌ڵاتى نێوه‌ڕاستى فره‌ڕه‌نگ، ئه‌گه‌ر سه‌قامگيريى سياسى نه‌بێت، كێشه و ئاڵۆزى دروست ده‌بێت و ده‌بێته هۆى كۆچ، هه‌روه‌ها هەردوولا په‌ره‌سه‌ندنه‌كانى سووريا به‌تايبه‌تى ئه‌وه‌ى داعش له زيندانى حه‌سه‌كه ئه‌نجامى دا بە مايه‌ى نيگه‌رانى و زه‌نگێكى مه‌ترسيدار ناویان بردووە.
15:08
نێچیرڤان بارزانی و وەزیری دەرەوەی ئوردن لە کۆبوونەوەدان
سەرۆکی هەرێمی کوردستان و وەزیری دەرەوەی ئوردن
نێچیرڤان بارزانی، سەرۆکی هەرێمی کوردستان لە پەراوێزی کۆنفرانسی ئاسایشی میونشن لەگەڵ ئەیمەن سەفادی، وەزیری دەرەوەی ئوردن لە کۆبوونەوەدایە.
زیاتر بخوێنەوە
14:55
وەزیری دەرەوەی سوێد: پەیوەندییەکی کەسیی زۆر باشم لەگەڵ نێچیرڤان بارزانی هەیە
وەزیری دەرەوەی سوێد
وەزیری دەرەوەی سوێد لەبارەی کۆبوونەوەی لەگەڵ سەرۆکی هەرێمی کوردستان دەڵێت، پەیوەندییەکی کەسیی زۆر باشی لەگەڵ نێچیرڤان بارزانی هەیە و پەیوەندییەکانیشیان لەگەڵ هەرێمی کوردستان بەردەوام دەبێت.
ئەمڕۆ شەممە 19-02-2022 نێچیرڤان بارزانی، سەرۆکی هەرێمی کوردستان و ئان لیندێ، وەزیری دەرەوەی سوێد لە پەراوێز کۆنفرانسی ئاسایشی میونشن کۆبوونەوە.
وەزیری دەرەوەی سوێد لەبارەی سەردانەکەی بۆ هەرێمی کوردستان و عێراق بە تۆڕی میدیایی رووداوی راگەیاند، "من خۆم سەردانی هەولێرم کردووە و پەیوەندیی زۆر باشی سیاسیی لەنێوانمان هەیە"، هەروەها دەشڵێت، "زۆر خۆشحاڵم بە کۆبوونەوە لەگەڵ سەرۆک [نێچیرڤان بارزانی]. پەیوەندییەکی زۆر بەهێز لەنێوان سوێد و کوردستان هەیە".
رۆژی 22-11-2021 ئان لیندێ بە سەردانێکی فەرمی گەیشتە هەولێر و لەگەڵ بەرپرسانی باڵای هەرێمی کوردستان کۆبووەوە. لە کۆبوونەوەی لەگەڵ سەرۆکی هەرێمی کوردستان هەردوولا جەختیان لە گرنگیى سەقامگیریى سیاسى لە عێراق و گەیشتنى لایەنە سیاسییەکان بە لێکتێگەیشتنێک بۆ داهاتووى پرۆسەى سیاسى و یەکلاییکردنەوەى هەر تێبینى و کێشەیەک لەسەر ئەنجامەکانى دەنگدان لە عێراق کردووەتەوە.
لە بەشێکی دیکەی قسەکانیدا لەبارەی کۆبوونەوەکەی ئەمڕۆ، ئان لیندێ رایگەیاند، "پێم وایە پەیوەندیی نێوان کوردستان و سوێد بەهێزە و ماوەی چەندین دەیەیە بەردەوامە و ئەو پەیوەندییەش لە چەند دەیەی داهاتوودا بەردەوام دەبن."
سوێد و هەرێمی کوردستان پەیوەندییەکی مێژوویی و درێژخایەنیان هەبووە. لەکاتی شەڕی داعش، سوێد نزیکەی 200 راوێژکاری سەربازی بۆ هاوکاریی پێشمەرگە ناردە هەرێمی کوردستان. هاوکات ژمارەی ئەو کوردانەی کە لە سوێد دەژین، زیاتر لە 150 هەزار کەسن.
14:24
نێچیرڤان بارزانی و مەسرور بارزانی لەگەڵ بەشێک لە ئەندامانی کۆنگرێسی ئەمریکا کۆدەبنەوە
کۆبوونەوەی نێچیرڤان بارزانی و مەسرور بارزانی لەگەڵ بەشێک لە ئەندامانی کۆنگرێسی ئەمریکا
نێچیرڤان بارزانی، سەرۆکی هەرێمی کوردستان و مەسرور بارزانی، سەرۆکوەزیرانی هەرێمی کوردستان لە پەراوێزی دووەم رۆژی کۆنفرانسی ئاسایشی میونشن لەگەڵ چەند ئەندامێکی کۆنگرێسی ئەمریکا بە سەرۆکایەتیی لیندسی گراهام کۆبوونەوە. ئەندامەکان لە هەردوو پارتی دیموکرات و کۆماری پێکهاتبوون.
13:37
کۆبوونەوەی نێچیرڤان بارزانی و وەزیری دەرەوەی سوێد دەستیپێکرد
لە پەراوێزی دووەم رۆژی کۆنفرانسی ئاسایشی میونشن، نیچێرڤان بارزانی، سەرۆکی هەرێمی کوردستان لەگەڵ ئان لیندێ، وەزیری دەرەوەی سوێد لە کۆبووەنەوەدایە.
زیاتر بخوێنەوەوێنەی کۆبوونەوە نێچیرڤان بارزانی، سەرۆکی هەرێمی کوردستان و ئان لیندێ، وەزیری دەرەوەی سوێد pic.twitter.com/AnKcKkviML
— Rudaw (@Rudawkurdish) February 19, 2022
13:26
نێچيرڤان بارزانى و سه‌رۆكى خاچى سوورى نێوده‌وڵه‌تى لە کۆبوونەوەدان
کۆبوونەوەی نێچيرڤان بارزانى و پيته‌ر ماورێر. وێنە: سەرۆکایەتیی هه‌رێمى كوردستان
پێشنيوه‌ڕۆى ئه‌مڕۆ شه‌ممه 2022/2/19 نێچيرڤان بارزانى، سه‌رۆكى هه‌رێمى كوردستان، له دووه‌م رۆژى كۆنفرانسى ئاسايشى ميونشن، له‌گه‌ڵ پيته‌ر ماورێر، سه‌رۆكى خاچى سوورى نێوده‌وڵه‌تى كۆبووه‌وه.
12:59
ئەندامێکی کۆنگرێس: چۆنێتیی پاراستنی ئاسایشمان لە هەرێمی کوردستان تاوتوێکردووە
کۆبوونەوەی نێچیرڤان بارزانی و ئێلیسا سلۆتکین، ئەندامی لیژنەی کاروباری خزمەتگوزاریی سەربازیی ئەنجوومەنی نوێنەرانی ئەمریکا
سەرۆکی هەرێمی کوردستان و ئەندامی لیژنەی کاروباری خزمەتگوزاریی سەربازیی ئەنجوومەنی نوێنەرانی ئەمریکا لە میونشن کۆبوونەوە، ئەندامەکەی ئەنجوومەنی نوێنەران لەو بارەوە دەڵێت، کۆبوونەوەیەکی باشیان لەگەڵ سەرۆکی هەرێمی کوردستان هەبووە و لەبارەی رۆڵ و شێوازی یارمەتیدانی ئەمریکا گفتوگۆیان کردووە.
ئەمڕۆ شەممە 19-02-2022 نێچیرڤان بارزانی، سەرۆکی هەرێمی کوردستان و ئێلیسا سلۆتکین، ئەندامی لیژنەی کاروباری خزمەتگوزاریی سەربازیی ئەنجوومەنی نوێنەرانی ئەمریکا لە پەراوێزی کۆنفرانسی ئاسایشی میونشن کۆبوونەوە.
ئێلیسا سلۆتکین لەبارەی کۆبوونەوەکە بە تۆڕی میدیایی رووداوی راگەیاند، "ئێمە لەبارەی داهاتووی ناوچە کوردییەکانی عێراق قسەمان کرد. لەبارەی پەیوەندییەکانی نێوان ناوچە کوردییەکانی عێراق و بەغدا و شێوازی یارمەتیدانی ویلایەتە یەکگرتووەکانی ئەمریکا لەو بوارەوە قسەمان کرد. پێم وایە هەمیشە زۆر نزیکبووین، بەتایبەتی لەم چەند ساڵی رابردوودا لە کاتی شەڕی دژی داعشدا. ئێمە پێکەوە شەڕمان کرد؛ هەربۆیە کۆبوونەوەیەکی زۆر ئەرێنی بوو".
لە بەشێکی دیکەی قسەکانیدا ئیلیسا سلۆتکین ئاماژەی بەوە دا، "ماوەیەکی زۆر لەگەڵ کوردەکان کارم کردووە، ئەوەش دەگەڕێتەوە بۆ ئەو کاتەی کە چووینە پێنتاگۆن بۆ ئەوەی یارمەتیدەری دابینکردنی بەشێک لە مووچەی پێشمەرگە بین، کە ئەوە چەند ساڵێک لەمەوبەر بوو بۆئەوەی شەڕی داعش بکەن. پێم وایە ئەوە بابەتێکە پەیوەندیی بە هەبوونی کەرەستەوە هەیە و پرسەکە ئەوەیە کە چۆن دەتوانین یارمەتیدەر بین بۆ هەبوونی ئاسایش لە باکووری عێراق. هەروەها چۆن دەتوانین دڵنیایی بدەین لەوەی پەیوەندییەکی بەهێز لە نێوان سوپاکەمان و دامەزراوە هەواڵگرییەکانمان هەیە، هەروەها چۆن کاربکەین لە بابەتی چارەسەرکردنی قەیرانەکان، بە تایبەتی کاتێك پرسی پەیوەندیدار بە حکومەتی ناوەندییەوە هەیە".
ئەمڕۆ شەممە 19-02-2022 دووەم رۆژی کۆنفرانسی ئاسایشی میونشن بە بەشداریی 35 سەرۆک و نزیکەی 100 وەزیری دەرەوە و بەرگریی وڵاتان بەڕێوەدەچێت.
ئیلیسا سلۆتکین لەبارەی کۆنفرانسەکە دەڵێت، "زۆر باشە. کۆنفرانسی ئاسایشی میونشن سەکۆیەکی گرنگە و هەموو سەرکردە باڵاکانی جیهان لێرەن؛ هەربۆیە ئامادەبوون لێرە زۆر گرنگە تاوەکو قسە لەگەڵ ژمارەیەکی زۆر کەس بکەیت و لەبارەی دۆخی عێراق قسە بکەیت".
12:57
نێچیرڤان بارزانی و سەرۆکی ئەنجوومەنی یەکێتیی ئەوروپا کۆدەبنەوە
دیدار و کۆبوونەوەکانی سەرۆکی هەرێمی کوردستان لە دووەمین رۆژی كۆنفرانسى ئاسايشى ميونشن بەردەوامە و ئەمڕۆش نێچیرڤان بارزانی لەگەڵ ژمارەیەک بەرپرسی باڵای وڵاتان کۆدەبێتەوە، یەکێک لە کۆبوونەوەکانی لەگەڵ ئۆرسولا ڤۆندەرلاین، سەرۆکی ئەنجوومەنی یەکێتیی ئەوروپایە.
ئاڵا شاڵی، پەیامنێری رووداو لە ئەڵمانیا رایگەیاند: دیدار و کۆبوونەوەکانی نێچیرڤان بارزانی، سەرۆکی هەرێمی کوردستان لە دووەم رۆژی کۆنفرانسی ئاسایشی میوشن بەردەوامە و ئەمڕۆ شەممە 19-02-2022، زنجیرەک دیدار و کۆبوونەوەی دیکەی لەگەڵ بەشداربووانی کۆنفرانسەکە دەبێت.
پەیامنێری رووداو ئاماژە بەوە دەدات، نێچیرڤان بارزانی، سەرۆکی هەرێمی کوردستان لەگەڵ نیڵس شمیت، بەرپرسی لیژنەی پەیوەندییەکانی دەرەوەی پەرلەمانی ئەڵمانیا کۆبووەوە.
نیڵس شمیت کەسایەتییەکی ناسراوی پارتی سۆسیال دیموکراتەکانە و لە رابردوو چەندین دیدار و کۆبوونەوەی لەگەڵ بەرپرسانی باڵای هەرێمی کوردستان کردووە و رۆڵی هەبووە لە پەسندکردنی درێژکردنەوەی ماوەی مەشق و راهێنان بە هێزەکانی پێشمەرگە و هاوکارییەکانی ئەڵمانیا بۆ هەرێمی کوردستان.
لە بەردەوامی کۆبوونەوەکانی ئەمڕۆی، سەرۆکی هەرێمی کوردستان لەگەڵ ئیلیزا سلۆتکین، ئەندامی لیژنەی کاروباری خزمەتگوزاریی سەربازیی لە ئەنجوومەنی نوێنەرانی ئەمریکا و دواتر لەگەڵ ئۆرسولا ڤۆندەرلاین، سەرۆکی کۆمیسیۆنی یەکێتیی ئەوروپا و سەرۆکوەزیرانی هیندستان و ژمارەیەکی دیکە لە بەرپرسانی وڵاتان کۆدەبێتەوە.
لە رۆژی یەکەمی كۆنفرانسى ئاسايشى ميونشن، نێچیرڤان بارزانی لەگەڵ سکرتێری گشتيی نەتەوە یەکگرتووەکان، سەرۆك وەزيرانى لوبنان، جێگرى سەرۆكوەزيران و وەزيرى دەرەوەى قەتەر، وەزیری دەرەوەی سعودیە، وەزیری دەرەوەی ئێران، وەزيرى دەرەوەى ڤاتيكان، وەزیری بەرگريی ئیتاڵیا، وەزیری بەرگريی تورکیا، وەزيرى پيشەسازى و تەكنەلۆژياى پێشكەوتووى ئيمارات، جێگری سەرۆکی کۆمیسیۆنی ئەوروپی، وەزیری دەوڵەت بۆ کاروباری دەرەوەی ئەڵمانیا و ژمارەیەک ئەندامانی پەرلەمانی ئەڵمانیا کۆبووەوە.
لە کۆبوونەوەکاندا پەیوەندییەکانی ھەرێمی کوردستان لەگەڵ لایەنی بەرامبەر و دوايين پێشهاتەكانى دۆخى سیاسی و ئەمنیی عێراق و ناوچەکە تاوتوێ كرا.
12:36
نێچیرڤان بارزانی: جێبەجێکردنی رێککەوتنی شنگال سەقامگیریی بۆ ناوچەکە دەگەڕێنێتەوە
کۆبوونەوەی سەرۆکی هەرێمی کوردستان و نیڵس شمیت. وێنە: سەرۆکایەتیی هەرێمی کوردستان
سەرۆکی هەرێمی کوردستان لە کۆبوونەوەی لەگەڵ گوته‌بێژى كۆميته‌ى كاروبارى ده‌ره‌وه‌ى په‌رله‌مانى ئه‌ڵمانيا رایگەیاندووە، جێبەجێکردنی رێککەوتنی شنگال دەبێتە هۆی گەڕانەوەی ئێزدییەکان بۆ شوێنەکانی خۆیان.
ئەمڕۆ شەممە 19-02-2022 نێچیرڤان بارزانی، سەرۆکی هەرێمی کوردستان لە پەراوێزی دووەم رۆژی کۆنفرانسی ئاسایشی میونشن لەگەڵ نیڵس شمیت، گوته‌بێژى كۆميته‌ى كاروبارى ده‌ره‌وه‌ى په‌رله‌مانى ئه‌ڵمانيا کۆبووەوە و هەڕەشەکانی داعش و درێژکردنەوەی ماوەی ئەرکی هێزەکانی ئەڵمانیایان لە عێراق تاوتوێکرد. هەروەها باسی دۆخی سیاسیی عێراق و پرسی کۆچبەرانیان لەسەر سنووری بێلاڕووس کردووە.
نیڵس شمیت کەسایەتییەکی ناسراوی پارتی سۆسیال دیموکراتەکانە و لە رابردوو چەندین دیدار و کۆبوونەوەی لەگەڵ بەرپرسانی باڵای هەرێمی کوردستان کردووە و رۆڵی هەبووە لە پەسندکردنی درێژکردنەوەی ماوەی مەشق و راهێنان بە هێزەکانی پێشمەرگە و هاوکارییەکانی ئەڵمانیا بۆ هەرێمی کوردستان.
بەپێی راگەیێندراوی سەرۆکایەتیی هەرێمی کوردستان، نێچیرڤان بارزانی بۆ هاوكاريكردنی ئەڵمانیا له پرسى كۆچبه‌ران و بۆ درێژكردنه‌وه‌ى ماوه‌ى ئه‌ركى هێزه ئه‌ڵمانييه‌كان له عێراق، سوپاسى ئه‌ڵمانيا و وڵاتانى دۆستى له ئه‌وروپا كرد.
لە بەشێکی دیکەی راگەیێندراوەکەدا هاتووە، نێچيرڤان بارزانى لەبارەی دۆخى ئاواره ئێزدييه‌كانەوە، دووپاتى كردووەتەوه ئه‌گه‌ر رێككه‌وتنى ئاساييكردنه‌وه‌ى دۆخى شنگال جێبه‌جێ بكرێت، ده‌بێته ده‌رفه‌تێكى باش بۆ سه‌قامگيرى و گه‌ڕانه‌وه‌ى خه‌ڵكى ئێزدى بۆ شوێنه‌كانيان.
رۆژی 9ی تشرینی یەکەمی 2020 گوتەبێژی سەرۆکوەزیرانی عێراق رایگەیاند، مستەفا کازمی، سەرۆکوەزیران چاودێریی رێککەوتنی تایبەت بە شنگالی کرد کە دەسەڵاتی حکومەتی فیدراڵیی لەو شارە بەهێزدەکات. رێککەوتنەکەش لەلایەن بەشێکی بەرچاو لە وڵاتانی جیهان پێشوازیی لێکرا.
هه‌ردوولا پرسى بره‌ودانيان به ديموكراسى و بنياتنانى دامه‌زراوه‌كان و به‌هێزكردنيان له عێراق و هه‌رێمى كوردستان تاوتوێ كرد و هاوڕا بوون كه ئه‌ڵمانيا و وڵاتانى دۆست ده‌توانن له‌وباره‌وه هاوكار و يارمه‌تيده‌ر بن.
11:30
سەرۆکی هەرێمی کوردستان و گوتەبێژی لیژنەی کاروباری دەرەوەی پەرلەمانی ئەڵمانیا لە کۆبوونەوەدان
کۆبوونەوەی سەرۆکی هەرێمی کوردستان و گوتەبێژی لیژنەی کاروباری دەرەوەی پەرلەمانی ئەڵمانیا. وێنە: سەرۆکایەتیی هەرێمی کوردستان
نێچیرڤان بارزانی، سەرۆکی هەرێمی کوردستان لە دووەم رۆژی کۆنفرانسی ئاسایشی میونشن لەگەڵ نیڵس شمید، گوتەبێژی لیژنەی کاروباری دەرەوەی پەرلەمانی ئەڵمانیا لە کۆبوونەوەدایە.
11:21
دووەم رۆژی کۆنفرانسی ئاسایشی میونشن؛ سەقامگیریی نێودەوڵەتی و گۆڕانی کەشوهەوا باسدەکرێن
ئەمڕۆ شەممە 19-02-2022 دووەم رۆژی کۆنفرانسی ئاسایشی میونشن بە بەشداریی 35 سەرۆک و نزیکەی 100 وەزیری دەرەوە و بەرگریی وڵاتان بەڕێوەدەچێت.
بەپێی کارنامەی کۆنفرانسەکە، یەکێک لە تەوەرە گرنگەکانی کۆنفرانسەکەی ئەمڕۆ تایبەت دەبێت بە ئاسایشی ئەوروپا، جەمسەری باکوور و وڵاتانی دەوروبەری زەریای ئەتڵەسی، هەروەها هەوڵە نێودەوڵەتییەکان بۆ کەمکردنەوەی کاریگەرییەکانی گۆڕانی کەشوهەوا دەخرێتە بەرباس.
دواتر بە بەشداریی ئۆلاف شۆڵتز، راوێژکاری ئەڵمانیا تیشک دەخرێتە سەر رۆڵی ئەو وڵاتە لە کایە سیاسییە نێودەوڵەتییەکان. لە پانێڵێکیشدا بە بەشداریی کامالا هاریس، جێگری سەرۆکی ئەمریکا باسی رۆڵی وڵاتەکە لە کایە نێودەوڵەتییەکان.
هاوشێوەی ئەڵمانیا و ئەمریکا، رۆڵی چین و بەریتانیاش لە دوو پانێڵی جیاواز دەخرێنە بەرباس و هەریەک لە وانه یی، وەزیری دەرەوەی چین و بۆریس جۆنسن، سەرۆکوەزیرانی بەریتانیا تێیاندا بەشداری دەکەن.
کۆنفرانسەکە لە کاتێکدایە کە گرژییەکانی نێوان رووسیا و ئۆکراینا تا دێت بەرەو هەڵکشان دەچن، هەرچەندە هەفتەی رابردوو رووسیا رایگەیاند، بەشێک لە هێزەکانی لە سنووری ئۆکراینا کشاندووەتەوە، بەڵام دوێنێ ئەنتۆنی بلینکن، وەزیری دەرەوەی ئەمریکا رایگەیاند، ئەوانە تەنیا سیناریۆن و بەپێچەوانە رووسیا هێزی زیاتری رەوانەی ئەو ناوچانە کردووە. هەر بۆیە گفتوگۆ لەبارەی کێشەکانی رووسیا و ئۆکراینا تەوەرێکی پانێڵەکانی کۆنفرانسەکە دەبێت.
لەلایەکی دیکەوە دۆخی ئێستای ئەفغانستان و ئەو شکستە خێرایەی حکومەتی وڵاتەکە دوای 20 ساڵ بە دەست تاڵیبان دەخرێتە بەر باس.
رەنگە یەکێک لە خاڵە جیاکەرەوەکانی کۆبوونەوە نێودەوڵەتییەکانی چەند ساڵی رابردوو لەگەڵ پێشتر ئەوە بێت کە دوای سەرهەڵدانی کۆرۆنا، لە کۆبوونەوە و کۆنفرانسە نێودەوڵەتییەکان گرنگییەکی زیاتر بە چۆنێتیی رێگریکردن لە پەتا دەکرێت. ئەمڕۆ یەکێک لە تەوەرەکانی کۆنفرانسەکە تایبەت دەبێت بە ئامادەکاریی بۆ رووبەڕووبوونەوەی پەتایەکی دیکە.
دوای دەستبەکاربوونی حکومەتی نوێی ئێران، بۆ ماوەیەک گفتوگۆکانی زیندووکردنەوەی رێککەوتنی ئەتۆمی وەستان، دواتریش تا رادەیەک بە سستی دەستیان پێکردەوە، بڕیارە ئەمڕۆ بە بەشداریی حوسین ئەمیر عەبدوڵڵاهیان، وەزیری دەرەوەی ئێران گفتوگۆ لەبارەی زیندووکردنەوەی رێککەوتنەکە بکرێت.
رۆڵی حکومەتی نوێی ئەڵمانیا لە هاوکاری و گەشەپێدانی ئابووری، قەیرانە مرۆییەکان و پێشێلکردنی مافی ئافرەتان، کێشەکانی ئەفریقا، پەیوەندییەکانی وڵاتانی رۆژئاوا و رۆژهەڵات، دۆخی رۆژهەڵاتی نێوەڕاست، دۆخی نێوخۆی بێلاڕووس، گۆڕانکاریی هێزەکان لە زەریای هیندی- ئارام، داهاتووی زیرەکیی دەستکرد و چەند تەوەرێکی دیکە لە کۆنفرانسەکەدا باس دەکرێن.
20:59
نێچیرڤان بارزانی و مەسرور بارزانی بۆ گۆتێرێز: نەتەوە یەکگرتووەکان یارمەتیدەر بێت بۆ گەڕانەوەی سەقامگیریی عێراق
سەرۆکی هەرێمی کوردستان و سەرۆکوەزیرانی هەرێمی کوردستان لە کۆبوونەوەیان لەگەڵ سکرتێری گشتیی نەتەوە یەکگرتووەکان دوایین بڕيارى دادگه‌ى باڵاى فيدراڵيى عێراقیان لەباره‌ى ياساى نه‌وت و گاز له هه‌رێمى كوردستان تاوتوێکرد.
ئەمڕۆ هەینی 18-02-2022 نێچیرڤان بارزانی، سەرۆکی هەرێمی کوردستان و مەسرور بارزانی، سەرۆکوەزیرانی هەرێمی کوردستان لە پەراوێزی کۆنفرانسی ئاسایشی میونشن لەگەڵ ئەنتۆنیۆ گۆتێرێز، سکرتێری گشتیی نەتەوە یەکگرتووەکان کۆبوونەوە.
بەپێی راگەیێندراوی سەرۆکایەتیی هەرێمی کوردستان، لە کۆبوونەوەکەدا دوايين پێشهاته‌كانى به‌ره‌نگاربوونه‌وه‌ى تيرۆر و هه‌ڕه‌شه و مه‌ترسييه‌كانى داعشیان تاوتوێکردووە. لە کۆبوونەوەکەدا هه‌ردوولا جه‌ختيان له‌وه كرده‌وه كه داعش هێشتا مه‌ترسييه‌كى جددى و راسته‌قينه‌يه و له عێراق و سووريا هه‌ڕه‌شه له ئارامى و سه‌قامگيرى ده‌كات.
دواى خستنه‌ڕووى پوخته‌يه‌ك لەباره‌ى دوايين پێشهاته‌كانى دۆخى سياسى و ره‌وشى عێراق به‌گشتى، نێچیرڤان بارزانی و مەسرور بارزانی سوپاسى پشتگيريى نه‌ته‌وه يه‌كگرتووه‌كانيان له عێراق كردووە، به‌تايبه‌تى رۆڵى (يۆنامى) له هه‌ڵبژاردنه‌كانى عێراقدا و هيواى به‌رده‌واميى يارمه‌تيدان و پشتگيريى نه‌ته‌وه يه‌كگرتووه‌كانيان بۆ چاره‌سه‌ركردنى كێشه‌كان له عێراق خواستووە.
بەپێی راگەیێندراوەکە، لە کۆبوونەوەکەدا باس له گرنگيى هاوئاهەنگی هه‌ولێر و به‌غدا بۆ رووبه‌ڕووبوونه‌وه‌ى تيرۆر كرا و جه‌خت له‌وه كرايه‌وه كه هه‌مووان كار بكه‌ن بۆ گه‌ڕانه‌وه‌ى ئارامى و سه‌قامگيرى بۆ عێراق، "چونكه به نائارامى و ناسه‌قامگيرى، پڕۆسه‌ى سياسى بنكۆڵ ده‌كرێت، بۆ ئه‌مه‌ش نه‌ته‌وه يه‌كگرتووه‌كان ده‌توانێت يارمه‌تيده‌ر بێت".
خواستى هه‌رێمى كوردستان بۆ ئه‌نجامدانى هه‌ڵبژاردن له كاتى خۆيدا، ئه‌گه‌رى سه‌ردانى سكرتێرى گشتیی نه‌ته‌وه بۆ عێراق دواى پێكهێنانى حكومه‌تى نوێی فيدراڵى له عێراق، چه‌ند ته‌وه‌رێكى ديكه‌ى كۆبوونەوە‌كه بوون.
20:28
نێچیرڤان بارزانی و وەزیری دەرەوەی ئێران دۆخی ئاسایشی ناوچەکە تاوتوێدەکەن
کۆبوونەوەی سەرۆکی هەرێمی کوردستان و وەزیری دەرەوەی ئێران
سەرۆکی هەرێمی کوردستان و وەزیری دەرەوەی ئێران کۆبوونەوە و په‌يوه‌ندييه‌كانى عێراق و هه‌رێمى كوردستان له‌گه‌ڵ كۆمارى ئيسلاميى ئێران و بواره‌كانى هاريكاريى هاوبه‌ش، دوايين پێشهاته‌كانى دۆخى سياسيى عێراق، پێشهاته‌كانى ناوچه‌كه به‌گشتى و گفتوگۆى ڤيه‌ننا له‌نێوان ئێران و وڵاتانى رۆژئاوادا، تاوتوێكران.
نێچیرڤان بارزانی، سەرۆکی هەرێمی کوردستان و حوسێن ئەمیر عەبدوڵڵاهیان لە پەراوێزی کۆنفرانسی ئاسایشی میونشن کۆبوونەوە.
بەپێی راگەیێندراوی سەرۆکایەتیی هەرێمی کوردستان، هه‌ردوولا هاوڕا بوون له‌سه‌ر گرنگيى پاراستنى ئارامى و سه‌قامگيرى له ناوچه‌كه و هيوايان خواستووە پڕۆسه‌ى سياسى له عێراق له به‌رژوه‌نديى ته‌واوى پێكهاته‌كانى وڵاتدا به هاريكارى و لێكگه‌يشتنى هه‌مووان، بکەوێتە سەر رێگەی راست.
زیاتر بخوێنەوە
20:23
سەرۆکی هەرێمی کوردستان و وەزیری بەرگریی تورکیا جەخت لە کاری هاوبەش دەکەنەوە
کۆبوونەوەی سەرۆکی هەرێمی کوردستان و وەزیری بەرگریی تورکیا
سەرۆکی هەرێمی کوردستان و وەزیری بەرگریی تورکیا کۆبوونەوە و دۆخی سیاسیی عێراق، ئەنجامی هەڵبژاردنەکان و هەوڵەکانی "راستەڕێکردنی" پڕۆسەی سیاسی تاوتوێکرا.
نێچیرڤان بارزانی، سەرۆکی هەرێمی کوردستان خولوسی ئاکار، وەزیری بەرگریی تورکیا لە پەراوێزی کۆنفرانسی ئاسایشی میونشن کۆبوونەوە.
بەپێی راگەیێندراوی سەرۆکایەتیی هەرێمی کوردستان، لە دیدارەکەدا تيشك خراوەته سه‌ر په‌يوه‌ندييه‌كانى عێراق و هه‌رێمى كوردستان له‌گه‌ڵ توركيا و جه‌خت له‌وه كراوەته‌وه كه هاريكاريى هاوبه‌ش و په‌يوه‌ندييه‌كانى عێراق و هه‌رێمى كوردستان له‌گه‌ڵ توركيا، له‌پێناو دابينكردنى ئارامى و سه‌قامگيريى ناوچه‌كه‌دا بن.
شه‌ڕى دژى "تيرۆر" و مه‌ترسييه‌كانى ئەگەری سهرههڵدانهوهى داعش له عێراق و سووريا، ته‌وه‌رانى ديكه‌ى ديداره‌كه بوون.
20:14
وەزیری دەرەوەی سعودیە: عێراق ببێتە یەکێک لە کۆڵەگەکانی سەقامگیریی ناوچەکە
وه‌زيرى ده‌ره‌وه‌ى سعوديه لە کۆبوونەوەی لەگەڵ سەرۆکی هەرێمی کوردستان رایگەیاندووە، وڵاتەکەی به بايه‌خه‌وه له دۆخى عێراق ده‌ڕوانێت و خه‌مخۆرى و خواستى سعوديه‌ى نيشان داوە بۆ ئه‌وه‌ى عێراق بتوانێت رۆڵى خۆى بگێڕێته‌وه و ببێته يه‌كێك له كۆڵه‌گه‌كانى سه‌قامگيرى له ناوچه‌كه‌دا.
نێچیرڤان بارزانی، سەرۆکی هەرێمی کوردستان و فەیسەڵ فەرحان، وەزیری دەرەوەی سعودیە لە پەراوێزی کۆنفرانسی ئاسایشی میونشن کۆبوونەوە.
بەپێی راگەیێندراوی سەرۆکایەتیی هەرێمی کوردستان، لە کۆبوونەوەکەدا نێچيرڤان بارزانى وێڕاى ده‌ربڕينى پێزانينى بۆ روانين و هه‌ڵوێستى سعوديه، خواستى هه‌رێمى كوردستانى بۆ بره‌ودانى زياترى په‌يوه‌ندييه‌كانى له‌گه‌ڵ ئەو وڵاتە ده‌ربڕیوە.
زیاتر بخوێنەوە
20:01
نێچیرڤان بارزانی لەبارەی بڕیارەکەی دادگەی فیدراڵیی عێراق: كێشه‌كان له‌ڕێگەی ده‌ستوور چاره‌سه‌ر بكرێن
کۆبوونەوەی سەرۆکی هەرێمی کوردستان و وه‌زيرى ده‌وڵه‌تى ئه‌ڵمانى بۆ كاروبارى ده‌ره‌وه
سەرۆکی هەرێمی کوردستان لە کۆبوونەوەی لەگەڵ وه‌زيرى ده‌وڵه‌تى ئه‌ڵمانى بۆ كاروبارى ده‌ره‌وه لەبارەی بڕیارەکەی دادگەی فیدراڵیی عێراق راگەیاند، "وه‌ك هه‌ميشه هه‌رێمى كوردستان هه‌وڵ ده‌دات كێشه‌كان له‌سه‌ر بنه‌ماى ده‌ستوور چاره‌سه‌ر بكرێن".
دادگەی باڵای فیدڕاڵیی عێراق لە دانیشتنی رۆژی 15-02-2022ـدا، یاسای نەوت و غازی هەرێمی کوردستانی بە "نادەستووری" هەژمارکرد و حکومەتی هەرێمی کوردستانی بە رادەستکردنی نەوت بە حکومەتی فیدڕاڵ و وەزارەتی نەوتی عێراق پابەندکرد.
نێچیرڤان بارزانی، سەرۆکی هەرێمی کوردستان ئەمڕۆ لە پەراوێزی کۆنفرانسی ئاسایشی میونشن لەگەڵ تۆبياس ليندنه‌ر، وه‌زيرى ده‌وڵه‌تى ئه‌ڵمانى بۆ كاروبارى ده‌ره‌وه کۆبووەوە. وەکو لە راگەیێندراوی سەرۆکایەتیی هەرێمی کوردستان هاتووە یەکێک لە تەوەرەکانی کۆبووەنەوەکە بڕیارەکەی دادگەی فیدراڵیی عێراق بووە و سەرۆکی هەرێمی کوردستان لەو بارەوە گوتوویەتی، دەبێت کێشەکان لەسەر بنەمای دەستوور چارەسەر بکرێن.
له كۆبوونه‌وه‌كه‌دا نێچيرڤان بارزانى، وێڕاى پيرۆزبايى بۆ ده‌ستبه‌كاربوونى له پۆستى تازه‌يدا وه‌ك وه‌زيرى ده‌وڵه‌ت بۆ كاروبارى ده‌ره‌وه، پوخته‌يه‌كى لەباره‌ى دۆخى هه‌رێمى كوردستان و دوايين پێشهاته‌كانى پڕۆسه‌ى سياسى له عێراق و ئاڵنگارییەکانی به‌رده‌مى، خسته‌ڕوو.
وەکو لە راگەیێندراوەکەدا هاتووە، تۆبياس ليندنه‌ر باسى له پرۆسه‌ى درێژكردنه‌وه‌ى ئه‌ركى هێزه ئه‌ڵمانييه‌كان له عێراق و هه‌رێمى كوردستان كرد و ئاماده‌يى وڵاته‌كه‌ى بۆ به‌رده‌واميى پشتگيرى و پێشكێشكردنى يارمه‌تى و مه‌شق و راهێنانى سه‌ربازى بۆ عێراق و هه‌رێمى كوردستان نيشان دا.
سهرههڵدانهوهى هه‌ڕه‌شه و مه‌ترسيى داعش، پرسى كۆچ و دۆخى كۆچبه‌ران له‌سه‌ر سنوورى بێلاڕووس، په‌يوه‌ندييه‌كانى عێراق و هه‌رێمى كوردستان له‌گه‌ڵ وڵاتانى ناوچه‌كه به‌گشتى، ته‌وه‌رێكى ديكه‌ى كۆبوونەوە‌كه بوو.
19:59
وەزیری بەرگریی ئیتاڵیا: بەردەوام دەبین لە پشتگیریکردنی هەرێمی کوردستان
کۆبوونەوەی سەرۆکی هەرێمی کوردستان و وەزیری بەرگریی ئیتاڵیا. وێنە: سەرۆکایەتیی هەرێمی کوردستان
سەرۆکی هەرێمی کوردستان و وەزیری بەرگریی ئیتاڵیا لە پەراوێزی کۆنفرانسی ئاسایشی میونشن کۆبوونەوە. وەزیری بەرگریی ئیتاڵیا بە نێچیرڤان بارزانی گوتووە، وڵاتەکەی لە پشتگيرى و هاوكاريكردنى هه‌رێمى كوردستان به‌رده‌وام دەبێت.
نێچیرڤان بارزانی، سەرۆکی هەرێمی کوردستان و لۆرێنزۆ گوێرينى، وه‌زيرى به‌رگريى ئيتاڵيا لە میونشن کۆبوونەوە و دۆخى سياسيى عێراق، په‌يوه‌ندييه‌كانى هه‌رێمى كوردستان و عێراق له‌گه‌ڵ ئيتاڵيا و به‌ره‌نگاربوونه‌وه‌ى تيرۆریان تاوتوێکرد.
بەپێی راگەیێندراوی سەرۆکایەتیی هەرێمی کوردستان، له كۆبوونه‌وه‌كه‌دا نێچيرڤان بارزانى سوپاس و پێزانينى هه‌رێمى كوردستانى بۆ پشتگيرى و هاوكارييه سه‌ربازييه‌كانى ئيتاڵيا له كاتى شه‌ڕى داعشدا دووپاتكرده‌وه. له‌باره‌ى دۆخى ئه‌منيى عێراقيشه‌وه روونيكردەوه كه هاريكاريى نێوان سوپاى عێراق و پێشمه‌رگه به‌تايبه‌تى له‌و ناوچانەى کە بۆشايى ئه‌منى هەیە، باشه و له‌به‌ر هه‌ڕه‌شه‌ى جیدديى داعش، پێويسته هه‌ولێر و به‌غدا به‌رده‌وام له هاريكاريدا بن.
هەر بەپێی راگەیێندراوەکە، وەزیری بەرگریی ئیتاڵیا دووپاتى كردووەتەوه وڵاتەکەی له پشتگيرى و هاوكاريكردنى هه‌رێمى كوردستان به‌رده‌وام ده‌بێت به‌تايبه‌تى كه له داهاتوويه‌كى نزيكدا ئیتاڵیا سه‌ركردايه‌تيى ئه‌ركى ناتۆ له عێراق وه‌رده‌گرێت و گوتى، "ئێمه ئه‌زموونى رابردوومان له‌گه‌ڵ پێشمه‌رگه باش و سه‌ركه‌وتووه و پێزانينمان بۆ رۆڵ و قوربانييه‌كانى پێشمه‌رگه هه‌يه".
19:52
نێچیرڤان بارزانی و هاوسه‌رۆكى پارتى سه‌وزى ئه‌ڵمانيا دۆخى عێراق تاوتوێدەکەن
کۆبوونەوەی نێچیرڤان بارزانی و هاوسه‌رۆكى پارتى سه‌وزى ئه‌ڵمانيا
سەرۆکی هەرێمی کوردستان و هاوسه‌رۆكى پارتى سه‌وزى ئه‌ڵمانيا لە پەراوێزی کۆنفرانسی ئاسایشی میونشن کۆبوونەوە و دۆخى سياسيى عێراق، ئه‌نجامه‌كانى هه‌ڵبژاردنى ئه‌نجوومه‌نى نوێنه‌ران و پڕۆسه‌ى هه‌ڵبژاردنى سه‌رۆكايه‌تيى په‌رله‌مانى عێراقيان تاوتوێكرد.
لە کۆبوونەوەکەدا نێچیرڤان بارزانی، سەرۆکی هەرێمی کوردستان پیرۆزبایی دەستبەکاربوونی پارتى سه‌وزى ئه‌ڵمانى لە ئومێد نووريپوور، هاوسه‌رۆكى پارتى سه‌وزى ئه‌ڵمانيا و ئه‌ندامى ليژنه‌ى كاروبارى ده‌ره‌وه‌ى په‌رله‌مانى ئه‌ڵمانيا کردووە.
هەروەها نێچیرڤان بارزانی پێزانينى هه‌رێمى كوردستانی بۆ په‌رله‌مانى ئه‌ڵمانى دووپاتكرده‌وه كه ماوه‌ى ئه‌ركى هێزه‌كانى وڵاته‌كه‌ى له عێراق و هه‌رێمى كوردستان درێژ كرده‌وه، هه‌روه‌ها سوپاسی ئه‌و هاوكارييه مرۆيى و سه‌ربازييانه‌ى ئه‌ڵمانيا پێشكه‌ش به هه‌رێمى كوردستانى كردووه.
زیاتر بخوێنەوە
18:44
کۆبوونەوەی سەرۆکی هەرێمی کوردستان و وەزیری دەرەوەی ئێران لە میونشن دەستیپێکرد
کۆبوونەوەی سەرۆکی هەرێمی کوردستان و وەزیری دەرەوەی ئێران لە میونشن دەستیپێکرد
کۆبوونەوەی نێچیرڤان بارزانی، سەرۆکی هەرێمی کوردستان و حوسێن ئەمیر عەبدوڵڵاهیان، وەزیری دەرەوەی ئێران لە میونشن دەستیپێکرد.
ئاڵا شاڵی، پەیامنێری رووداو دەڵێت، سەرۆکی هەرێمی کوردستان و وەزیری دەرەوەی ئێران پەیوەندییەکانی نێوان هەولێر و تاران، دۆخی عێراق و پێشهاتەکانی ناوچەکە تاوتوێ دەکەن.
18:12
کۆبوونەوەی سەرۆکی هەرێمی کوردستان و وەزیری بەرگریی تورکیا دەستیپێکرد
کۆبوونەوەی سەرۆکی هەرێمی کوردستان و وەزیری بەرگریی تورکیا دەستیپێکرد
کۆبوونەوەی نێچیرڤان بارزانی، سەرۆکی هەرێمی کوردستان و خوڵوسی ئاکار، وەزیری بەرگریی تورکیا لە پەراوێزی کۆنفرانسی ئاسایشی میونشن دەستیپێکرد.
ئاڵا شاڵی، پەیامنێری رووداو لەبارەی کۆبوونەوەکە دەڵێت، سەرۆکی هەرێمی کوردستان و وەزیری بەرگریی تورکیا پەیوەندییەکانی نێوان هەولێر و ئەنقەرە تاوتوێ دەکەن.
زیاتر بخوێنەوە
18:03
نێچیرڤان بارزانی و وەزیری بەرگریی ئیتاڵیا لە کۆبوونەوەدان
کۆبوونەوەی نێچیرڤان بارزانی و وەزیری بەرگریی ئیتاڵیا
لە پەراوێزی کۆنفرانسی ئاسایشی میونشن نێچیرڤان بارزانی، سەرۆکی هەرێمی کوردستان لەگەڵ لۆرێنزۆ گویرینی، وەزیری بەرگریی ئیتاڵیا کۆبووەوە.
زیاتر بخوێنەوە
17:38
سەرۆکی هەرێمی کوردستان و وەزیری دەرەوەی سعودیە لە کۆبوونەوەدان
نێچیرڤان بارزانی، سەرۆکی هەرێمی کوردستان و فەیسەڵ فەرحان، وەزیری دەرەوەی سعودیە لە میونشن لە کۆبوونەوەدان، ئاڵا شاڵی، پەیامنێری رووداو دەڵێت، سەرۆکی هەرێمی کوردستان و وەزیری دەرەوەی سعودیە پەیوەندییەکانی نێوان هەولێر و ریاز، پێشهاتەکانی عێراق و دۆخی ناوچەکە تاوتوێ دەکەن.
زیاتر بخوێنەوە
16:29
کۆمیسیۆنی ئەوروپا بۆ نێچیرڤان بارزانی: پابەندین بە هاوکاریکردنی هەرێمی کوردستان
رووداو دیجیتاڵ
جێگری سەرۆکی کۆمیسیۆنی ئەوروپا بە نێچیرڤان بارزانی راگەیاندووە، يه‌كێتيى ئه‌وروپا پابه‌نده به په‌يوه‌ندييه‌كانى له‌گه‌ڵ عێراق و هه‌رێمى كوردستان و هيوادارن كێشه‌كان چاره‌سه‌ر بكه‌ن. هه‌روه‌ها لەبارەی پرسى كۆچ و كۆچبه‌ران سوپاسى هاريكاريى هه‌ولێر و به‌غداى له‌گه‌ڵ يه‌كێتيى ئه‌وروپا كرد.
ئەمڕۆ هەینی 18-02-2022 نێچیرڤان بارزانی، سەرۆکی هەرێمی کوردستان لە پەراوێزی کۆنفرانسی ئاسايشى ميونشن له‌گه‌ڵ مارگريتيس شيناس، جێگرى سه‌رۆكى كۆمیسيۆنى ئه‌وروپا كۆبووه‌وه.
بەپێی راگەیێندراوی سەرۆکایەتیی هەرێمی کوردستان، له كۆبوونه‌وه‌كه‌دا ره‌وشى عێراق، پڕۆسه‌ى هه‌ڵبژاردنه‌كان و هه‌نگاوه‌كانى پڕۆسه‌ى سياسى خراونەتە به‌ر باس و هه‌ردوولا جه‌ختيان له گرنگيى گفتوگۆ بۆ چاره‌سه‌ركردنى كێشه‌كانى عێراق كردووەتەوه.
لە کۆبوونەوەکەدا نێچيرڤان بارزانى جه‌ختى له گرنگيى يارمه‌تيدان و هاوكاريى ئه‌وروپا بۆ عێراق كرده‌وه تا بتوانێت كێشه‌كانى چاره‌سه‌ر بكات كه ده‌بێته هۆى دابينكردنى سه‌قامگيريى سياسى و رايگه‌ياند، گرنگه يه‌كێتيى ئه‌وروپا سياسه‌تێكى گشتگيرى به‌رامبه‌ر عێراق و هه‌رێمى كوردستان هه‌بێت.
جێگرى سه‌رۆكى كۆمیسيۆنى ئه‌وروپا ئاماژه‌ى به‌وه كرد كه ئه‌وان به بايه‌خه‌وه سه‌يرى دۆخى عێراق و هه‌رێمى كوردستان ده‌كه‌ن و پێيانوايه ده‌رفه‌تێك هه‌يه بۆ ئه‌وه‌ى عێراق باشتر بتوانێ شه‌ڕى تيرۆر بكات و بتوانێت له رێگه‌ى بنياتنانى ديموكراسى و دامه‌زراوه‌كانه‌وه، ئاشتى و سه‌قامگيرى دابين بكات.
هەر بەپێی راگەیێندراوەکە، مارگريتيس شيناس رایگەیاندووە، ئه‌وروپييه‌كان ئاماده‌ن بۆ هاوكارى و وه‌ك هاوبه‌ش سه‌يرى عێراق و هه‌رێمى كوردستان ده‌كه‌ن. هه‌روه‌ها سوپاسى هاريكاريى هه‌رێمى كوردستانى له‌گه‌ڵ يه‌كێتيى ئه‌وروپا كردووە.
دوايين پێشهاته‌كانى دۆخى ناوچه‌كه به‌گشتى، ته‌وه‌رێكى ديكه‌ى كۆبوونەوە‌كه بوو.
12:14
کۆبوونەوەکانی سەرۆکی هەرێمی کوردستان لە میونشن
بەشێک لە کۆبوونەوەکانی سەرۆکی هەرێمی کوردستان لە میونشن
رووداو دیجیتاڵ
ئەمڕۆ هەینی کۆنفرانسی ئاسایشی میونشن دەستیپێدەکات و نێچیرڤان بارزانی، سەرۆکی هەرێمی کوردستان بەشداریی کۆنفرانسەکە دەکات. لە پەراوێزی کۆنفرانسەکەش چەندین کۆبوونەوە ئەنجام دەدات.
هەرێمی کوردستان رۆڵێکی گرنگی هەیە و ئەکتەرێکی کارایە لە رۆژهەڵاتی نێوەڕاست، هەر ئەوەش وایکردووە کە سەرۆکی کۆنفرانسی ئاسایشی میونشن، نێچیرڤان بارزانی بۆ کۆنفرانسەکە بانگهێشت بکات و ئەو دەرفەتە بڕەخسێنێت کە لەگەڵ چەندین کەسایەتیی گرنگ و سەرکردەی جیهان کۆببێتەوە.
ئەگەری هێرشی رووسیا بۆسەر ئۆکراینا و ئەو هەڕەشە و ئاڵۆزییانەی لەبەردەم دەرگەی وڵاتانی ئەوروپا روودەدەن تەوەرەی سەرەکیی کۆنفرانسەکە دەبێت، بەتایبەتی کاتێک ڤۆلۆدیمیر زێلێنسکی، سەرۆکی ئۆکراینا بەشداریی کۆنفرانسەکە دەکات. جگە لەوەش پرسەکانی ژینگە، ئابووری، رۆژهەڵاتی نێوەڕاست، ئەفغانستان و هێرشی ئینتەرنێتی پرسەکانی دیکەی کۆنفرانسەکە دەبن.
ئێوارەی پێنجشەممە 17-2-2022 سەرۆکی هەرێمی کوردستان بەرەو ئەڵمانیا بەڕێکەوت و بەیانیی ئەمڕۆ هەینی دەستی بە کۆبوونەوەکانی کرد. کۆبوونەوەی یەکەمی لەگەڵ پۆڵ گالاگەر، وەزیری دەرەوەی ڤاتیکان بوو.
ئاڵا شاڵی، پەیامنێری رووداو لە میونشن رایگەیاند، سەرۆکی هەرێمی کوردستان بەرنامەیەکی چڕوپڕی لە دیدار و کۆبوونەوەی لە میونشن دەبێت و لەگەڵ سەرۆکی کۆمیسیۆنی یەکێتیی ئەوروپا، وەزیری بەرگریی تورکیا، سکرتێری گشتیی نەتەوە یەکگرتووەکان، وەزیری دەرەوەی فەرەنسا، وەزیری دەرەوەی ئێران، سەرۆکوەزیرانی لوبنان و وەزیری دەرەوەی قەتەر کۆدەبێتەوە.
دوای کۆبوونەوەی لەگەڵ وەزیری دەرەوەی ڤاتیکان، نێچیرڤان بارزانی، سەرۆکی هەرێمی کوردستان لەگەڵ سوڵتان ئه‌حمه‌د ئه‌لجابر، وه‌زيرى پيشه‌سازى و ته‌كنه‌لۆژياى پێشكه‌وتووى ئيمارات و سه‌رۆكى شاندى وڵاته‌كه، كۆبووه‌وه. پاشانیش لەگەڵ نەجیب میقاتی، سەرۆکوەزیرانی لوبنان کۆبووەوە.
له كۆبوونه‌وه‌كه‌دا دوايين پێشهاته‌كانى دۆخى عێراق و پرۆسه‌ى سياسى، هه‌ڵبژاردنى ده‌سته‌ى سه‌رۆكايه‌تيى ئه‌نجوومه‌نى نوێنه‌رانى عێراق و هه‌وڵه‌كانى پێكهێنانى حكومه‌تى داهاتوو، دوايين پێشهاته‌كانى دۆخى سياسى، ئه‌منى و ئابووريى لوبنان و په‌يوه‌ندييه‌كانى لوبنانيان له‌گه‌ڵ عێراق و هه‌رێمى كوردستان باسكرد.
نێچيرڤان بارزانى، خواستى هه‌رێمى كوردستانى بۆ بره‌ودان به په‌يوه‌ندييه‌كانى له‌گه‌ڵ لوبنان دووپات كرده‌وه و ئاماژه‌ى به ئاماده‌يى و كار و چالاكييه‌كانى ره‌وه‌ندى لوبنانى له هه‌رێمى كوردستان كرد كه له چه‌ندين بوارى جيادا چالاك و كاران.
لاى خۆيه‌وه نه‌جيب ميقاتى، سه‌رۆكوه‌زيرانى لوبنان وێڕاى پێشكه‌شكردنى پوخته‌يه‌ك ده‌باره‌ى دۆخى سياسى و ئابوورى و ته‌حه‌دييه‌كانى به‌رده‌م وڵاته‌كه‌ى، جه‌ختى له ئاماده‌يى و خواستى لوبنان بۆ بره‌ودان به په‌يوه‌ندييه‌كانى له‌گه‌ڵ عێراق و هه‌رێمى كوردستان كرده‌وه، هه‌روه‌ها نێچيرڤان بارزانى بۆ سه‌ردانێكى فه‌رمى، بانگهێشتى لوبنان كرد.
نێچيرڤان بارزانى، خواستى هه‌رێمى كوردستانى بۆ بره‌ودان به په‌يوه‌ندييه‌كانى له‌گه‌ڵ لوبنان دووپات كرده‌وه و ئاماژه‌ى به ئاماده‌يى و كار و چالاكييه‌كانى ره‌وه‌ندى لوبنانى له هه‌رێمى كوردستان كرد كه له چه‌ندين بوارى جيادا چالاك و كاران.
لاى خۆيه‌وه نه‌جيب ميقاتى، سه‌رۆكوه‌زيرانى لوبنان وێڕاى پێشكه‌شكردنى پوخته‌يه‌ك ده‌باره‌ى دۆخى سياسى و ئابوورى و ته‌حه‌دييه‌كانى به‌رده‌م وڵاته‌كه‌ى، جه‌ختى له ئاماده‌يى و خواستى لوبنان بۆ بره‌ودان به په‌يوه‌ندييه‌كانى له‌گه‌ڵ عێراق و هه‌رێمى كوردستان كرده‌وه، هه‌روه‌ها نێچيرڤان بارزانى بۆ سه‌ردانێكى فه‌رمى، بانگهێشتى لوبنان كرد.
بەپێی راگەیێندراوی سەرۆکایەتیی هەرێمی کوردستان، له كۆبوونه‌وه‌ی سەرۆکی هەرێمی کوردستان و وەزیری دەرەوەی ڤاتیکان، دوايين پێشهاته سياسى و ئه‌منييه‌كانى عێراق، پرۆسه‌ى سياسى، دۆخى پێكهاته‌كان، په‌يوه‌ندييه‌كانى نێوان هه‌ردوولا، دوايين سه‌ردانى قه‌داسه‌تى پاپا بۆ عێراق و هه‌رێمى كوردستان، ره‌وشى ئاواره و په‌نابه‌ران له هه‌رێمى كوردستان و دۆخى ده‌شتى نه‌ينه‌وا و شنگال تاوتوێكران.
نێچيرڤان بارزانى دووپاتى كردووەتەوە كه "هه‌رێمى كوردستان وه‌ك هه‌ميشه له پشتگيريكردنى پێكهاته‌كان به‌تايبه‌تى مه‌سيحى و ئێزدييه‌كان و له پاراستنى كولتوورى پێكه‌وه‌ژيان به‌رده‌وام ده‌بێت و ئاماژه‌ى به كاريگه‌رى و گرنگيى سه‌ردانى ساڵى رابردووى قه‌داسه‌تى پاپاى ڤاتيكان بۆ عێراق و هه‌رێمى كوردستان كرد و به سه‌ردانێكى مێژوويى له قه‌ڵه‌م دا."
نێچيرڤان بارزانى دووپاتى كردووەتەوە كه "هه‌رێمى كوردستان وه‌ك هه‌ميشه له پشتگيريكردنى پێكهاته‌كان به‌تايبه‌تى مه‌سيحى و ئێزدييه‌كان و له پاراستنى كولتوورى پێكه‌وه‌ژيان به‌رده‌وام ده‌بێت و ئاماژه‌ى به كاريگه‌رى و گرنگيى سه‌ردانى ساڵى رابردووى قه‌داسه‌تى پاپاى ڤاتيكان بۆ عێراق و هه‌رێمى كوردستان كرد و به سه‌ردانێكى مێژوويى له قه‌ڵه‌م دا."
کۆبوونەوەی نێچیرڤان بارزانی، سەرۆکی هەرێمی کوردستان لەگەڵ نەجیب میقاتی، سەرۆکوەزیرانی لوبنان لە پەراوێزی کۆنفرانسی ئاسایشی میونشن#MSC2022 pic.twitter.com/fiDXqkZ6vH
— Rudaw (@Rudawkurdish) February 18, 2022
نيوه‌ڕۆى ئه‌مڕۆش نێچيرڤان بارزانى، سه‌رۆكى هه‌رێمى كوردستان له په‌راوێزى كۆنفرانسى ئاسايشى ميونشندا، له‌گه‌ڵ محه‌ممه‌د بن عه‌بدولڕه‌حمان ئال سانى، جێگری سه‌رۆکوه‌زیران و وه‌زيرى ده‌ره‌وه‌ى قه‌ته‌ر، كۆبووه‌وه.
سەرۆکایەتیی هەرێمی کوردستان دەڵێت، له كۆبوونه‌وه‌كه‌دا به‌ره‌وپێشبردنى په‌يوه‌ندييه‌كانى هه‌رێمى كوردستان و قه‌ته‌ر له بواره جياجیاكاندا و فراوانكردنى هاريكاریی هاوبه‌شى نێوانيان، دوايين پێشهاته‌كانى پرۆسه‌ى سياسى له عێراق و هه‌وڵه‌كان بۆ پێكهێنانى كابينه‌ى نوێى حكومه‌تى فيدراڵیى عێراق، دۆخى ئه‌منی له عێراق و هه‌ڕه‌شه‌كانى داعش تاوتوێكران.
هه‌ردوولا جه‌ختيان له خواستى هاوبه‌ش بۆ بره‌ودان به بواره‌كانى په‌يوه‌نديى هه‌رێمى كوردستان و قه‌ته‌ر كرده‌وه و باسيان له دهرفهتهكانى كار و سه‌رمايه‌گوزارى و وه‌به‌رهێنانى قه‌ته‌رى له عێراق و هه‌رێمى كوردستان كرده‌وه.
له ته‌وه‌رێكى ديكه‌ى كۆبوونه‌كه‌دا هه‌ردوولا جه‌ختيان له پێويستى و گرنگيى پاراستنى ئارامى و سه‌قامگيرى له رۆژهه‌ڵاتى نێوه‌ڕاست كرده‌وه و هاوڕابوون كه هه‌موو هه‌وڵه‌كان بۆ دامركاندنه‌وه‌ى ئاڵۆزييه‌كان و چاره‌سه‌ركردنى كێشه‌كان بن.
هه‌ردوولا جه‌ختيان له خواستى هاوبه‌ش بۆ بره‌ودان به بواره‌كانى په‌يوه‌نديى هه‌رێمى كوردستان و قه‌ته‌ر كرده‌وه و باسيان له دهرفهتهكانى كار و سه‌رمايه‌گوزارى و وه‌به‌رهێنانى قه‌ته‌رى له عێراق و هه‌رێمى كوردستان كرده‌وه.
له ته‌وه‌رێكى ديكه‌ى كۆبوونه‌كه‌دا هه‌ردوولا جه‌ختيان له پێويستى و گرنگيى پاراستنى ئارامى و سه‌قامگيرى له رۆژهه‌ڵاتى نێوه‌ڕاست كرده‌وه و هاوڕابوون كه هه‌موو هه‌وڵه‌كان بۆ دامركاندنه‌وه‌ى ئاڵۆزييه‌كان و چاره‌سه‌ركردنى كێشه‌كان بن.
لە کۆبوونەوەکانی سەرۆکی هەرێمی کوردستان وەکو ئاڵا شاڵی، پەیامنێری رووداو باسیکرد، تاوتوێی دۆخی هەرێمی کوردستان و عێراق، شەڕی دژی داعش، پەیوەندییەکانی هەرێمی کوردستان لەگەڵ ئەو وڵاتانە و پێکهێنانی حکومەتی نوێی عێراق دەکرێت.نيوه‌ڕۆى ئه‌مڕۆ هه‌ينى 2022/2/18 نێچيرڤان بارزانى، سه‌رۆكى هه‌رێمى كوردستان له په‌راوێزى كۆنفرانسى ئاسايشى ميونشندا، له‌گه‌ڵ محه‌ممه‌د بن عه‌بدولڕه‌حمان ئال سانى، جێگری سه‌رۆکوه‌زیران و وه‌زيرى ده‌ره‌وه‌ى قه‌ته‌ر، كۆبووه‌وه. pic.twitter.com/py2dorCfQe
— Rudaw (@Rudawkurdish) February 18, 2022
کامالا هاریس، جێگری سەرۆکی ئەمریکا؛ ئەنتۆنی بلینکن، وەزیری دەرەوەی ئەمریکا؛ ئۆلاف شۆڵتز، راوێژکاری ئەڵمانیا و ڤۆلۆدمیر زێلێنسکی سەرۆکی ئۆکراینا بەشداری لە کۆنفرانسەکەدا دەکەن ئەوە جگە لە وەزیرانی بەرگریی بەشێکی زۆر لە وڵاتانی جیهان.
بۆ وڵاتانی رۆژئاوا گرنگە کە ئاسایش و سەقامگیریی هەرێمی کوردستان بمێنێتەوە و پەیوەندییەکانی بەهێزبێت لەگەڵ وڵاتانی دەرەوە، چونکە ئەو وڵاتانە دەزانن لە وڵاتێکی وەکو عێراق کە پڕە لە کێشە و ئاڵۆزی، سەقامگیریی هەرێمی کوردستان گرنگە لەکاتێکدا سەدان هەزار ئاوارەی لەخۆگرتووە.
هاوکات مەسرور بارزانی، سەرۆکوەزیرانی هەرێمی کوردستانیش لە کۆنفرانسی میونشن بەشدارە. ئاڵا شاڵی رایگەیاند، بەشداریکردنی هەرێمی کوردستان لە کۆنفرانسە جیهانی و نێودەوڵەتییەکان رۆڵێکی گرنگی هەیە بۆ هێشتنەوەی سەقامگیریی هەرێمی کوردستان و بەهێزکردنی پەیوەندییەکانی.
زیاتر بخوێنەوە