رووداو - AFP

گەردەلوولێکی بەهێز رۆژی چوارشەممە ناوچەکانی رۆژهەڵاتی هیندستان و بەنگلادیش دەگرێتەوە و زیانێکی گەورە لە هەردوو وڵات دەدات. 

بەگوتەی بەرپرسانی هیندستان، بەهۆی گەردەلووکەوە 14 کەس لە وڵاتەکەیاندا گیانیان لەدەستداوە و هەروەها بەهەزاران خانووشی رووخاندووە.

هاوکات گەردەلوولەکە زیانی زۆریشی لە بەنگلادیش داوە، 4 کەس گیانیان لەدەستداوە، خانووێکی زۆری رووخاندوون و دوو وێستگەی کارەبایی لە کار خستووە. 

هاوکات بەهۆی ئەم گەردەلوولەوە زیاتر لە دوو ملیۆن کەس ئاوارە و دەربەدەربوونە و کامپی کاتیان بۆ درووستکراوە.

خێرایی گەردەلوولەکە 185 کیلۆمەتر بووە لە کاژێرێکدا.