لە لەندەن کۆنفرانسێکی تایبەت بە زمانی دایک بەڕێوەدەچێت

 

 

ژمارەیەکی زۆر کەسایەتیی ئەکادیمی لە کوردستان و ئەورووپاوە تێیدا بەشدار دەبن.

 

رەوا هەژار، سەرۆکی کۆمیتەی رێکخراوی کانگا، کە رێکخەری کۆنفرانسەکەن، میوانی دیاسپۆرا بوو. لەبارەی کۆنفرانسەکەوە گوتی، "رێکخراوی کانگا کە رێکخراوێکی قازانج نەویستە و گرنگی بە زمانی دایک دەدات، لە ساڵی 2005 لەلایەن عەدنان شاسوارەوە دامەزراوە، کۆنفرانسەکە ساز دەکەین و ئامانجمانە لە رێگەی کۆنفرانسەکەوە گرنگی و بایەخی زمانی دایک، بەتایبەتی زمانی کوردی بخەینەڕوو، ئەو زمانەی کە توانای مانەوەی هەیە و وەکو قەڵایەکە بۆ مانەوەی نەتەوەی کورد سەرەڕای ئەو هەموو فەرمان و داگیرکارییە بەسەریدا هاتووە."

 

رەوا هەژار روونیکردەوە، رۆژی شەممە 22-06-2024 یەکەم رۆژی کۆنفرانسەکەیە و دوو رۆژ دەخایێنێت، کەسانی پسپۆڕ لە زمانی کوردی قسەکەری کۆنفرانسەکەن؛ هەروەها میوانەکانیش هەموو ئەو کەسانەن کە پسپۆڕی زمانی کوردین، "ئێمە ناتوانین بڵێین بەهۆی کۆنفرانسەکەوە کێشەی زمانی کوردی چارەسەر دەکەین، بەڵکو بتوانین هۆشدارییەکی باش لەسەر هەڵە و کەموکوڕییەکانی زمانی کوردی بدەین و ببێتە هەوێنێک بۆئەوەی لایەنەکانی دیکەش بایەخی زیاتری پێبدەن و کێشەکانی زمانی کوردی چارسەر بکەن."