رووداو دیجیتاڵ
لە ئەڵمانیا ئەم هەفتەیە باندێکی پێنج کەسیی ئەڵمانی دەستگیرکران کە کاریان سووتاندنی ئەو شوێنانە بووە کە کۆچبەران تێیاندا دەژین. هەروەها پلانیان داناوە بۆ هێرشکردنە سەر کۆچبەران و کەسانی چەپ.
باندەکە ناویان لەخۆیان ناوە (لێتزتە فەرتایدیگونگڤێللە)، واتە دوایین شەپۆلی بەرگری. مەبەستیان لەمەش دوایین هەوڵە بۆ پاراستنی ئەڵمانیای سپی پێستەکان (وەک ئەوان دەیڵێن) لەدەست کۆچبەران و چەپەکان. داواکاری گشتیی ئەڵمانیا دەڵێت ئەو باندە (هەوڵیانداوە سیستمی دیموکراسی لە کۆماری ئەڵمانیای فیدراڵیدا دابڕمێنن. ئەویش بە کردەوەی تووندوتیژانە لەدژی کۆچبەران و ئەو کەسانەی لەڕووی سیاسییەوە لەگەڵیان ناکۆکن).
ئەوەش ئاشکراکراوە کە پۆلیسی ئەڵمانیا 13 ماڵ و شوێنی لە سەرتاسەری ئەڵمانیا پشکنیوە و سێ کەسی دیکەی بۆ لێکۆڵینەوە دەستبەسەر کردووە. ئەوانەی دەستبەسەرن گومانیان لێدەکرێ هەوڵی کوشتنی کۆچبەران و سووتاندن کەمپەکانیان دابێت. ئاژانسی فیدراڵیی بەرەنگابوونەوەی تاوان (بوندێس کریمینال ئامت) رایگەیاندووە کە لە ساڵی 2024 دا رێژەی تاوانکاری لە ئەڵمانیا لەبەر هۆکاری سیاسی 40 لەسەت زیادیکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ