رووداو دیجیتاڵ
کۆمپانیای OpenAI، دامەزرێنەری ChatGPT لە قۆناخی سەرەتایی دانوستاندنە لەگەڵ وەبەرهێنەران و سندووقەکانی وەبەرهێنان بۆ ئەوەی نزیکەی 100 ملیار دۆلار سەرمایەی نوێ بهێنێتەوە نێو کۆمپانیاکە.
بەپێی چەندین سەرچاوەی تەکنۆلۆجی، کۆمپانیای OpenAI بەنیازە لەڕێگەی فرۆشتنی بەشێک لە پشکەکانی کۆمپانیاکە، لە سەرەتای مانگی داهاتوودا، نزیکەی 86 ملیار دۆلار سەرمایە بۆ پەرەپێدانی پرۆژەکانی کۆبکاتەوە.
OpenAI هەروەها لە دانوستاندندایە لەگەڵ کۆمپانیایەکی ئەبوزەبی، بۆئەوەی نزیکەی 8 تاوەکو 10 ملیار دۆلاری دیکە لە پڕۆژەیەکی بەرهەمهێنانی چیپی ئەلیکترۆنیی کۆمپانیاکە وەبەرهێنان بکات.
پێشتر کۆمپانیای زەبەلاحی مایکرۆسۆفت رایگەیاندووە، تاوەکو 10 ملیار دۆلار وەبەرهێنان لە کۆمپانیای OpenAI دەکات.
کۆمپانیای OpenAI لە کۆتایی ساڵی رابردوو پلاتفۆرمی ChatGPTی دامەزراند و شۆڕشێکی نوێی لە جیهانی ژیریی دەستکرد هێنایە ئاراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ