جاسب لەتیف حیجامی، بەڕێوەبەری فەرمانگەی تەندروستیی کەرخ لە بەغدا لە راگەیەندراوێكدا رایگەیاند، "شەش كەسی دیكە كە ئەندامی خێزانێكن بەهۆی بەریەككەوتن تووشی كۆرۆنا بوون. تیمە تەندروستیەكانیش دەستيان كردووە بە پشكنین بۆ هەموو ئەوانەی لەگەڵ ئەو خێزانە بەریەككەوتنیان هەبووە. دوای ئەنجامی پشكنینەكانیش تەواوی خانەوادەكە و خزمەكانیان لە نەخۆشخانەی گشتیی كەرخ كەرەنتین دەكرێن".

 

رۆژی شەممە 25-04-2020 وەزارەتی تەندروستیی عێراق تووشبوونی 55 كەسی بە ڤایرۆسی كۆرۆنا لە حەوت پارێزگا راگەیاند.

 

بەپێی ئاماری فەرمیی تاوەکو ئێستا 1763 کەس لە عێراق و هەرێمی کوردستان تووشی ڤایرۆسی کۆرۆنا بوون، لەو ژمارەیەش 1233 تووشبوو چاکبوونەتەوە و 86 تووشبووش گیانیان لەدەستداوە.

 

 

 

وەزارەتی تەندروستی قەتەر رایگەیاند، لە 24 کاژێری رابردوودا 929 کەس تووشی ڤایرۆسی کۆرۆنا بوون.

 

لە قەتەر ژمارەی تووشبوانی ڤایرۆسی کۆرۆنا گەیشتە 10 هەزار و 287 کەس و هەزار و 12 تووشبوویش چاکبوونەتەوە و 10 تووشبوویش بەو هۆیەوە گیانیان لەدەستداوە.

 

 

 

فەرەنسا ژمارەی پشکنینەکانی ڤایرۆسی کۆرۆنا بۆ نزیکەی 700 هەزار کەس لە هەفتەیەکدا زیاد دەکات.

 

ئۆلیڤەر ڤێران، وەزیری تەندروستیی فەرەنسا رایگەیاند، دەیانەوێت بەر لە هەڵگرتنی قەدەخەی هاتووچۆ لە وڵاتەکەیاندا ژمارەی پشکنینەکان بۆ  نزیکەی 700 هەزار پشکنین لە هەفتەیەدا زیادبکەن.

 

وەزیری تەندرووستیی فەرەنسا ئاماژەی بەوە کرد، زیادکردنی ژمارەی پشکنینەکان گرنگن، چونکە ئەمە رێگەیان دەدات هەنگاوەکانیان بۆ کەمکردنەوەی رێکارەکان بەرامبەر بە ڤایرۆسی کۆرۆنا زیاتر بکەن.

 

تاوەکو ئێستا لە فەرەنسا 161 هەزار و 488 کەس تووشی ڤایرۆسی کۆرۆنا بوون، 22 هەزار و 614 کەس گیانیان لەدەستداوە و 44 هەزار و 594 کەسیش چاکبوونەتەوە

 

 

 

ئیسپانیا رێکارەکانی بەرەنگاربوونەوەی ڤایرۆسی کۆرۆنا کەمتر دەکاتەوە و بڕیارە لە سەرەتای مانگی ئایارەوە رێگە بە خەڵک بدرێت لە ماڵەکانیان بێنە دەرەوە.

 

پێدرۆ سانچێز، سەرۆکوەزیرانی ئیسپانیا لە کۆنفرانسێکی رۆژنامەڤانیدا رایگەیاند، ئەگەر دۆخەکە بەمشێوەیە بەردەوامبێت و هەنگاوەکانی رووبەڕووبوونەوەی کۆرۆنا بە ئاراستەیەکی ئەرێنی بڕۆن، بەشێک لە رێکارەکان بەرامبەر بە ڤایرۆسەکە کەمدەکەنەوە.

 

پێدرۆ سانچێز، سەرۆکوەزیرانی ئیسپانیا رایگەیاند، "دەمەوێت ئەوە رابگەیێنم، ئەگەر پەرەسەندنی ئەم پەتایە بە ئاراستەی باشدا بڕوات کە ئێستا بەم شێوەیەیە. ئەو کاتە لە 2ی ئایارەوە رێگە بە خەڵک دەدرێت چالاکییە تایبەتییەکانیان دەست پێبکەنەوە، وەک چوونە دەرەوە و پیاسەکردن لەگەڵ ئەو کەسانەی لێیانەوە نزیکن، هاوکات رێنماییەکان لەلایەن بەرپرسانی تەندروستییەوە دیار دەکرێن".

 

هەرچەندە ئیسپانیا بیر لە ئاساییکردنەوەی ژیان دەکاتەوە، سەرۆکی فریاگوزاریی تەندروستیی وڵاتەکە هۆشداریی لەبارەی سەرهەڵدانەوەی ڤایرۆسەکە و هاتنی شەپۆلی دووەمی کۆرۆنا دەدات و دەڵێت، با بەو پێشکەوتنە بچووکانە هەڵنەخەڵەتێین.

 

فێرناندۆ سیمیۆن، سەرۆکی فریاگوزاریی تەندروستیی ئیسپانیا ئاماژەی بەوە کرد، "دەبێت گەرەنتی تواناکانی خۆمان بکەین کە دەتوانین مامەڵە لەگەڵ دۆخێکدا بکەین ئەگەر تووشی شەپۆلێکی نوێی پەتاکە بووین یان جارێکی دیکە تووشبوون زیادبوو کە هیواخوازین ئەمە روونەدات".

 

کۆرۆنا لە ئیسپانیا کۆتایی نەهاتووە و تەنیا پێشکەوتنێکی بچووک بەدی دەکرێت کە ماوەیەکە رۆژانە کەمتر لە 400 کەس بەهۆی پەتاکەوە دەمرن.

 

لە ئیسپانیا  22 هەزار و 902 کەس بەهۆی کۆرۆناوە مردوون و تووشبووانیش ژمارەیان گەیشتووتە 223,759 هەزار کەس.

 

 

 

 

ژمارەی گیانلەدەستدان بە ڤایرۆسی کۆرۆنا لەسەر  ئاستی جیهان 200 هەزار کەسی تێپەڕاند، هەروەها ژمارەی تووشبووانیش لە سێ ملیۆن کەس نزیکدەبێتەوە.

 

بەپێی دوایین ئامارە فەرمییەکانی رێکخراوی تەندروستیی جیهانی، رۆژی یەکشەممە 26-04-2020 لەسەر ئاستی جیهاندا دوو ملیۆن و 931 هەزار و 923کەس تووشی ڤایرۆسی کۆرۆنابوون.

 

هاوکات لە کۆی ژمارەی تووشبووان، تاوەکو ئێستا 203 هەزار و 596 کەس گیانیان لەدەستداوە، هەروەها 838 هەزار و 895 کەسیش چاکبوونەتەوە.

 

ڤایرۆسەکە لە زیاتر لە 200 وڵات و هەرێم لە جیهاندا بڵاوبووەتەوە، زۆرترین ژمارەی تووشبووان لە ئەمریکا تۆمارکراون کە تا ئێستا زیاد لە 960 هەزار و 800 کەس لەو وڵاتە تووشی ڤایرۆسەکە بوونە. 

 

 

 

تووشبوو: 2,931,923

چارەسەرکراو 838,895

گیان لەدەستدان   203,596

 

 

ئەو 10 وڵاتەی زۆرترین تووشبوویان تێدا تۆمارکراوە: 

 

 

تووشبوو:  960,896

چارەسەرکراو:  118,162

گیان لەدەستدان:  54,265

 

 

تووشبوو: 223,759

چارەسەرکراو:  95,708

گیان لەدەستدان:  22,902

 

 

تووشبوو: 195,351

چارەسەرکراو: 63,120

گیان لەدەستدان: 26,384 

 

 

تووشبوو 161,488

چارەسەرکراو:  44,594

گیان لەدەستدان 22,614

 

 

تووشبوو:  156,513

چارەسەرکراو:  109,800

گیان لەدەستدان:  5,877

 

 

تووشبوو: 148,377

گیان لەدەستدان: 20,319

 

 

تووشبوو: 107,773

چارەسەرکراو:   25,582

گیان لەدەستدان: 2,706

 

 

تووشبوو: 89,328

چارەسەرکراو:   68,193

گیان لەدەستدان 5,650

 

 

تووشبوو: 82,827

چارەسەرکراو: 77,394

گیان لەدەستدان:  4,632

 

 

تووشبوو: 80,949

چارەسەرکراو: 6,767

گیان لەدەستدان:  747