Hewlêr (Rûdaw) - Li gor encamên nefermî li bajarê Dêrsim %100ê dengan hatine hejmartin û Berbijêrê Partiya Komunîst a Tirkiyê Mehmet Fatih Maçoglu Serokatiya Şaredariya Dêrsimê bi dest xistiye.
Li gor encamên ku ajansa AAyê belav kirine, nazmedê Partiya Komunîst a Tirkiyê li Dêrsimê Mehmet Fatih Maçoglu, %32ê dengan bi dest xistiye û seroaktiya şaredariya Dêrsimê qezenc kiriye.
Herwiha berbijêrê HDPê Nurşat Yeşil jî %29.04ê dengan bi dest xistiye.
Li gor van encamên nefermî, TKP şaredariya bajarê Dêrsimê ji HDPê standiye.
Hêj Saziya Hilbijartinan a Tirkiyê encamên fermî belav nekirine.
Pêştir peyamnerê Rûdawê yê Dêrsimê Alî Haydar ragihandibû ku li gor encamên ji sedî 80ê dengên cudakirî, Mehmet Fatih Maçoglu ji sedî 32.82 bidest xistiye û li pêş berbijêrê HDPê Nurşat Yeşil ketiye.
Herwiha li Dêrsimê, berbijêrê CHPê Yusuf Kenan Aydin ji sedî 20.93ê dengan û berbijêrê AK Partiyê Gokhan Arasan jî ji sedî 14.15ê dengan bidest xistine.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse