دەستنووسەکە بە شێوەیەکی تایبەتی پێچراوەتەوە و لە پەرەستگای جۆبەری جووەکان لە غوتەی رۆژهەڵاتی نزیک دیمەشقی پایتەختی سووریاوە بردراوە.
رووداو-هەولێر
لە تورکیا دەستبەسەر شوێنەوارێکی دزراوی سووریادا گیرا کە قەواڵەیەکی دەستنووستە و بەشێک لە کتێبی تەوراتی جووەکانی لەسەر پێستی ئاسک تێدا نووسراوەتەوە و نەخش و نیگاری دیکەشی لە سەر کێشراوە.
دەستنووسەکە بە شێوەیەکی تایبەتی پێچراوەتەوە و لە پەرەستگای جۆبەری جووەکان لە غوتەی رۆژهەڵاتی نزیک دیمەشقی پایتەختی سووریاوە بردراوە.
بە گوێرەی راپۆرتی چالاکڤانەکان ئەم دەستنووسە لە ساڵی 2013 و بە مەبەستی بەرگرتن لە لەناوچوون یان دزینی براوە بۆ شوێنێکی دیکە ، بەڵام لەو کاتەوە تاوەکو ئێستا دووجار و هەرجارە و چەند بەشێکی لێ دیار نەماوە.
لە سەرەتای ئەمساڵیش دوای رادەستکردنەوەی ناوچەکە بە حکومەت ، بە مەبەستی پاراستنی دەستنووسەکە لەلایەن ئەنجوومەنی لۆکاڵییەوە رادەستی گرووپی فەیلەقی رەحمان کراوە ، بەڵام دواتر گرووپەکە نکۆڵیی لەوە کرد. یەکێک لەم بەشە دیار نەماوانەی لە شاری بیلبەک-ی باکووری رۆژهەڵاتی تورکیا دۆزرایەوە و دەستی بە سەردا گیرا.
پۆلیسی تورکیا رایگەیاندووە پەیوەست بەم کەیسە ، 5 کەسیان لەکاتی فرۆشتنی دوو کۆپی کۆنی تەورات دەستگیرکردووە کە بەنیاز بوون بەنرخی 2 ملیۆن دۆلار بیفرۆشن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ