رووداو - هەولێر
پەرلەمانتارێکی دەوڵەتی یاسا رایدەگەیێنێ، لە رابردوودا کورد جددی نەبووە لە جێبەجێکردنی مادەی 140. دەشڵێت: "ئەگەر حکومەت بودجە بۆ ماددەکە دیاری نەکات، ئەوا لە پەرلەماندا ناتوانرێت بودجەی بۆ تەرخانبکرێت".
رەسول رازی، پەرلەمانتاری هاوپەیمانێتیی دەوڵەتی یاسا و سەرکردە لە حیزبی دەعوە بە سەرۆکایەتیی نووری مالیکی بە (تۆڕی میدیایی رووداو)ی راگەیاند: "لایەنی کوردی لە رابردوودا کەمتەرخەم بووە لە جێبەجێکردنی ماددەی 140 و دەبوو گوشاری زیاتر دروستبکەن بۆ جێبەجێکردنی، بۆیە حکومەتی عێراقیش لەوبارەوە بێدەنگ بووە، چونکە ئەو پرسە تایبەت بووە بە کورد و پێویستبووە نوێنەرانی کورد و تەنانەت سەرۆککۆماری عێراقیش کە کورد بووە لە رابردوودا هەڵوێستی هەبووایە".
رەسول رازی دەشڵێت: "ئەگەر پڕۆژەیاسای بودجە بێتە پەرلەمان و هیچ بڕە پارەیەک لەلایەن حکومەتەوە دیاری نەکرابێت، ئەوا پەرلەمان دەسەڵاتی نییە بودجە بۆ ماددەی 140 دیاری بکات، بۆیە پێویستە وەزیرانی کورد لە ئەنجوومەنی وەزیرانی عێراق پێداگیری لەسەر دیاریکردنی بودجەک بۆ ماددەکە بکەن".
پێداچوونەوە: دەرباز ساڵح
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ