کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Kurdistan

Koçberên Serê Kaniyê dîsa vegeriyan Hisîçayê: ‘Çek li me rakirin’

Vîviyan Fetah

Vîviyan Fetah

22-11-2026
Guhdarî bike
0:00
0:00
Mezinahiya Nivîsê

Peyamnêra Tora Medyayî ya Rûdawê li ofîsa Rojavayê Kurdistanê li Qamişlo ye.
Di Nîsana 2018an de, Vîviyan Fetah li Tora Medyayî ya Rûdawê dest bi kar kir.

 
Vîviyan Fetah
Vîviyan Fetah22-11-2026

Peyamnêra Tora Medyayî ya Rûdawê li ofîsa Rojavayê Kurdistanê li Qamişlo ye.
Di Nîsana 2018an de, Vîviyan Fetah li Tora Medyayî ya Rûdawê dest bi kar kir.

 

Nûçeyên Têkildar

Jîngehparêzên Zagrosê li Çiyayê Şahoyê ji bo zarokan çalakiyek li dar xist
Kurdistan22-11-2026

Jîngehparêzên Zagrosê li Çiyayê Şahoyê ji bo zarokan çalakiyek li dar xist

Li Qoserê çalakiya budceyê: Cotkar bi traktorên xwe daketin kolanan
Kurdistan22-11-2026

Li Qoserê çalakiya budceyê: Cotkar bi traktorên xwe daketin kolanan

Li Dîlokê bereketê rûyê cotkaran geş kir
Kurdistan22-11-2026

Li Dîlokê bereketê rûyê cotkaran geş kir

Hisîça (Rûdaw) - Koçberên Serê Kaniyê yên ku dixwazin vegerin ser mal û milkên xwe bi lêdan, heqaret û gefên çekdaran re rûbirû dimînin.

Çekdar û malbatên Erebên hawirde di malên Kurdan de ne û nahêlin koçber vegerin.

Piştî 10 rojan karwanên vegera koçberên Serê Kaniyê hîn jî rawestandî ne.

Tîma me îro çû Kampa Serê Kaniyê ya li gundewarê Hisîçayê da ku rewşa koçberên karwanê heştem bişopîne.

“Çek li kurê min rakir û li me xist”

Fexriya Ebdulruhmanê ku jineke bi temen e û di karwanê heştem de vegeriyabû gundê Diwêrayê yê gundewarê Serê Kaniyê, çîroka xwe ji Rûdawê re vegot.

Dema ew û kurê xwe çûne mala xwe, wan kesekî nenas ê çekdar û malbatên Erebên hawirde di mala xwe de dîtine.

Li gorî gotina Fexriya Ebdulruhmanê, wan kesan jê re gotiye, "Tu hatî çi, tu Kurmanc î, tu xenzîr î", piştre jî li wê û kurê wê xistiye û çek di rûyê wan de rakiriye.

Fexriya Ebdulruhmanê wiha qala bûyerê kir:

“Gotin ‘Tu hatiye çi? Kê ji te re gotiye were? Mal ne mala te ye, erd û mal bûnê yên me. Tu Kurd î, tu partî yî.’ Kurê min got em hatine vegerin mala xwe.

Tifinga Rûsî û çek li kurê min rakir, wê ew kuştibana. Ez tirsiyam û min ji kurê xwe re got ka em vegerin, me êdî ne mal û ne jî erdê xwe divê. Li min jî xistine, laşê min reş bûye. Ewlehiya Giştî tiştek nekir.”

Ne tenê malbata wê, gelek malbatên din jî ji ber êriş û binpêkirinan nekarîn derbasî malên xwe bibin û vegeriyan kampa li Hesekê.

Koçber neçar man ku dîsa pala xwe bidin ber konan û temenê wan ê li koçberiyê dirêjtir bû.

“11 malbatên din ên Kurd vegeriyan kampê”

Ehmed Seîd jî yek ji wan koçberan e ku bi dayîka xwe re vegeriyabû Serê Kaniyê lê neçar maye vegere kampê.

Ehmed Seîd diyar kir ku malbateke ji Dêrezorê di mala wan de bûye û got:

“Em çûn, malek ji Dêrê di mala me de bû. Me got bila derkevin, çek li me rakirin û gotinên nexweş ji me re kirin.

Em çûn cem Asayişa Giştî, ji me re gotin ‘Navê we nehatiye, şaşbûn çêbûye.’ Dema em derketin ku vegerin ber bi otomobîlan ve, me dît ku bi motorsîkletan hatin û li me xistin.”

Ne tenê Ehmed Seîd û dayîka wî, ew û 11 malbatên din ên Kurd neçar man vegerin kampê.

“140 donim erdê me di destê wan de ne”

Koçberê bi navê Ebdulqadir Osê jî diyar kir ku wan nehiştiye ew derbasî gundê xwe jî bibin û got:

“Em destvala ne. Ez û hevjîna xwe û biraziyê min û hevjîna xwe em çûn lê me xaniyê xwe nedît.

Nehiştin em bikevin gund. Xanî yê me ye, gund û 140 donim erdê min û malbata min di destê wan de ne. Diçînin û radikin û kêf kêfa wan e di mala me de ne, heta ava wê jî şêrîn e.”

Tenê ji sedî 20ê xelkê vegeriyane

Her çi qasî beriya niha Alîkarê Fermandarê Hêzên Ewlehiyê yê Parêzgeha Hisîçayê ragihandibû ku biryar e hefteyê 2 karwan bi rê kevin jî ji 12ê vê mehê ve, ev 10 roj in ev pêvajo rawestiyaye.

Komîteya Koçberên Serê Kaniyê di daxuyaniyekê de ragihand ku mana çekdarên biyanî di nav malan de pêvajoya vegera xelkê dereng xistiye.

Li gorî daxuyaniya komîteyê, heta niha tenê ji sedî 20ê xelkê Serê Kaniyê vegeriyane ser mal û halê xwe.

Nûçeyên Têkildar

Jîngehparêzên Zagrosê li Çiyayê Şahoyê ji bo zarokan çalakiyek li dar xist
Kurdistan22-11-2026

Jîngehparêzên Zagrosê li Çiyayê Şahoyê ji bo zarokan çalakiyek li dar xist

Li Qoserê çalakiya budceyê: Cotkar bi traktorên xwe daketin kolanan
Kurdistan22-11-2026

Li Qoserê çalakiya budceyê: Cotkar bi traktorên xwe daketin kolanan

Li Dîlokê bereketê rûyê cotkaran geş kir
Kurdistan22-11-2026

Li Dîlokê bereketê rûyê cotkaran geş kir

Pirsên