Hewlêr (Rûdaw) - Li parêzgeha Amedê 20 kes bi tohmeta ku li dadgehê kesên doz û cezayên wan hene bi standina pereyan azad dikin hatin desteserkirin.
Hêzên ewlehiyê yên Tirkiyeyê li parêzgeha Amedê li dijî hejmarek kesan bi tohmeta ku kesên li dadgehê ceza û dozên wan hene bi standina pereyan azad dikin operasyonek da destpêkirin.
Li gorî zanyariyan wan kesan pêwendî bi hejmarek berpirsên dadgehê re hene û bi rêya wan, kesên tohmetbar li hemberî pereyan azad dikin û bi vê jî dahatê bi dest dixin.
Di çarçoveya lêpirsîna Serdozgeriya Komarê ya Amedê de hêzên ewlehiyê bi ser çend navnîşanan de girt û 20 kes bi tohmeta “şelandin, xirabbikaranîna baweriyê” û “gef û birîndarkirina bi qest” desteser kirin.
Hat ragihandin ku tîman kesên desteserkirî birine Dozgeriya Amedê ku 4 ji wan parêzer in.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse