Şaşiyek çêbû. Tika ye paşê dîsa hewl bide.
Mirovên qurbaniyan / Wêne û Vîdeo: Rûdaw
Amed (Rûdaw) - Li herêma Nîşnikê ya navçeya Çêrmûgê ya Amedê 4 pismamên hev di bîreke avê de ji ber gaza karbonmonoksîtê mirin.
Li gundê Beybaxiyê yê li herêma Nîşnikê ya Çêrmûga 4 kesan di bîra avê de canê xwe ji dest da.
Dema yek ji pismaman dixwaze ava bîrê bi motorê veguhêze û bîrê paqij bike ji ber gaza karbonmonoksîtê difetise.
Pismamek dixwaze wî xilas bike, ew jî dikeve. Her yek dema dixwaze pismamekî xwe xilas bike dikevin.
Çar pismam li pey hev canê xwe ji dest didin.
Mikaîl Karabagê birayê qurbaniyekî ji Rûdawê re got:
“Birayê min bû, pismamê min bû, kesekî xerîb tunebû. Motora avê biribûn.
Motor bi benzînê dixebitî. Dema dane xebitandin ji egsozê dû derketiye. Bi karbonmonoksîta ku di nava bîrê de yek dikeve.
Paşê yê din dixwaze wî xilas bike, ew jî dikeve yê din tê dixwaze wî xilas bike, ew jî dimire.
Hemûyan xwestiye hev xilas bikin û yek bi yek bi gazê ketine.”
Niştecihê Gundê Beybaxiyê Omer Şen jî got, “Wan Xwestiye ku bîra avê paqij bikin. Di binê bîrê de av hebûye, motor birine. Xebitandine.
Gaza karbonmonoksîtê jê derdikeve, canê xwe ji dest didin. Bi xazê difetisin. Çar heb biraziyên me wisa mirin.”
3 ji wan xwedî zarok bûn
Di nava çar qurbaniyan de tenê Kemal Karabagê 18 salî azeb e, yên din xwedî zarok in.
Dogan Yamanerê ji heman gund jî got, “Çar zewicî bûn, tenê yek bekar bû. Yên din hemû xwedî zarok bûn.
Eger xelet nebim ê yekî çar heb, ê yekî du heb û yê li Îzmîrê rûdinê jî yan du heb yan sê heb in.”
Li gorî gundiyên Nîşnikê, qurbaniyên ku paşnavên wan Karabag in li navenda Çêrmûgê dijiyan.
Qurbaniyê bi navê Henîfî Yeşîlyaprak jî wê rojê ji bo mêvaniyê ji Îzmîrê çûye Çêrmûgê.
#VÎDEO - Bîr di bîranînan de bû birîn: Li Amedê 4 kes di bîrekê de mirin
— RudawKurdi (@RudawKurdi) October 1, 2025
🛑 Ew bîr bûye dewsa birînên kûr û dê di biranînan de bi navê "Bîra Mirinê" bimîne
📕 Hevkarê me @MasallahDekak di vê dosyeya taybet de qala vê trajediyê dike pic.twitter.com/GWLAPiC75b
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse