Hewlêr (Rûdaw) - Li navçeya Paloyê ya parêzgeha Xarpêtê ya Bakurê Kurdistanê, karkerê ku di encama herifîna kana madenê de di bin axê de mabû, mir.
Bûyer doh demjimêr derdora 09:54an li gundê Kayaonuyê yê navçeya Paloyê qewimî û beşeke kaneke kromê herifî.
Di bûyerê de 3 karkerên ku di kanê de mabûn bi hewldanên xwe rizgar bûn lê karkerê bi navê Hasan Coşkunê 47 salî di bin axê de ma.
Li ser agahdarkirinê tîmên tenduristiyê û rizgarkirinê çûn cihê bûyerê.
Parêzgariya Xarpêtê ragihand ku piştî xebatên 7 demjimêran, termê Hasan Coşkun hatiye derxistin.
Hat diyarkirin ku derbarê bûyerê lêpirsîn hatiye destpêkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse