Festîvala Hinar û Payîzê ya Helebceyê\ Wêne û Vîdeo: Rûdaw
Hewlêr (Rûdaw) - Di sê rojên Festîvala Hinar û Payîzê ya Helebceyê de, nêzîkî çar milyar dînar tenê ji bo çûnûhatin û bazarê hat xerckirin û zêdetirî nîvê wî pereyî ji bo benzînê bûye.
Li gorî lêkolîneke bernameya "Rojî Hiwa Cemal" a Tora Medyayî ya Rûdawê ya li ser xerciyên Festîvala Hinar û Payîzê ya Helebceyê, tenê di çûnûhatin û bazarê de nêzîkî çar milyar dînar hatiye xerckirin.
Li gorî daxuyaniya lijneya serpereştiyarên festîvalê, tenê li cihê festîvalê bi bihayê milyarek û 700 milyon dînar hatiye xerckirin.
Ji vê yekê 700 milyon dînar ji bo berhemên çandiniyê, 800 milyon dînar ji bo xwarinê û 200 milyon dînar jî ji bo karên destan bûye.
Li gorî amaran, 86 hezar û 879 wesayîtên wekî motorsîklet û otobusên mezin ji bo çûnûhatina geştyaran hatine bikaranîn.
Eger ji bo her wesayîtekê bi navînî 20 lître benzîn bê hesabkirin, di wan sê rojan de ji bo çûn û hatinê nêzîkî du milyon lître benzîn hatiye şewitandin.
Tevahiya pereyê ku ji bo sotemeniyê hatiye xerckirin zêdetirî milyarek û 700 milyon dînar e.
Tenê motorsîkletan bi qasî 12 milyon dînarî benzîn şewitandine.
Li gorî lêkolîna Rûdawê, festîvalê bazara bajêr wisa geş kiriye ku sê qatê şêniyên parêzgehê çûne parêzgehê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse