Hewlêr (Rûdaw) - Li navçeya Nisêbînê ya parêzgeha Mêrdînê ya Bakurê Kurdistanê şivanan termekî şewitî dît.
Li gorî agahiyan, şivanên pez şeva borî li devereke di navbera gundên Sirînçê û Gurînê yên navçeya Nisêbînê termê şewitî yê zilamekê dît.
Şivanan li ser vê yekê agahî dan hêzên ewlehiyê.
Li ser agahdarkirinê cendirme û tîmên tenduristiyê çûn cihê bûyerê.
Tîmên tenduristiyê term bir Nexweşxaneya Dewletê ya Nisêbînê.
Di pişkînînan de diyar bû ku li ser term ti nasname derneketiye.
Tîmên tenduristiyê termê şewitî otopsiyê û diyarkirina nasnameyê bir morga Nexweşxaneya Perwerde û Lêkolînê ya Mêrdînê.
Li ser bûyerê dest bi lêpirsînê hat kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse