Hewlêr (Rûdaw) - Li navçeya Çelê ya Colemêrgê ya Bakurê Kurdistanê, barhilgireke biçûk li kendala kêleka rê qulibî û di encamê de şofêr mir û kesek jî birîndar bû.
Li gorî agahiyan, roja yekşemê 4ê Gulanê li nêzîkî gundê Aşûtê yê navçeya Çelê, li ser rêya Colemêrg û Şirnexê, barhilgira pîkap a ku şofêrê wê Muhammed Ozbeg bû, ji rê derket û li kendala kêleka rê qulibî.
Di encama bûyerê de şofêr Muhammed Ozbeg û Ramazan Denizê ku bi wî re bû birîndar bûn.
Li ser agahdarkirinê, tîmên tenduristiyê, tîmên AFADê û cendirme çûn cihê bûyerê.
Ozbeg û Deniz ji aliyê tîmên tenduristiyê ve sewqî Nexweşxaneya Dewletê ya Çelê hatin kirin.
Tevî hemû midaxeleyên li nexweşxaneyê, Muhammed Ozbeg mir û tedawîkirina Ramazan Deniz jî berdewam dike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse