Şaredariya Midyadê sembola Êzidiyan li ser logoya xwe rakir

Hewlêr (Rûdaw) – Şaredariya Midyada navçeya Mêrdînê li Bakurê Kurdistanê li ser logoya xwe, sembol “Tawus Melek” a temsilyeta Kurdên Êzidî dike rakir.

Di logaya berê ya Şaredariya Midyadê de sembolên temsilyeta pêkhateyan, misliman, krîstiyan û Kurdên Êzidîn hebû, lê piştî ku di hilbijartinên 31ê Adarê de şaredarî ket di destê AK Partiyê de li ser logoyê guhertin kir.

Şaredariya Midyadê ku niha di destê AK Partiyê de ye li ser logoya şaredariyê sembola Tawus Melek ku ji bo nîşandina xweşbîniya bîr û olan hatî bikaranîn rakir.

Di logoya nû de du çûk hatine bikaranîn û heyv û stêr jî zêdetir berçav kirine.

Li gor medyaya Tirkiyê biryar di civîna encûmena şaredariyê de hatiye dayîn, lê di heman demê hat îdiakirin ku Meclîsa Şaredariyê ji biryarê  ne agahdar e.

Şaredariya Midyadê heta niha derbarê bûyerê de ti daxuyaniyeke fermî belav nekiriye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger