Hewlêr (Rûdaw) - Serokê Herêma Kurdistanê Nêçîrvan Barzanî bi boneya Qendîla Mewlûdê peyamek belav kir û got, “Em ji Xwedê dixwazin ku peyamên Pêxember li ser civaka Misilmanan û mirovahiyê belav bibin û rêberiya me hemûyan bikin.”
Serokê Herêma Kurdistanê Nêçîrvan Barzanî di peyama xwe de hêvî xwest ku Qendîla Mewlûdê xweşî û bextewariyê bi xwe re bîne û bibe wesileya aştî û aramiyê ji bo her kesî.
Peyama Serokê Herêma Kurdistanê Nêçîrvan Barzanî wiha ye:
“Bi boneya salvegera pîroz a jidayîkbûna Pêxember Mihemed (Silavên Xwedê li ser bin), ez pîrozbahiyên herî germ li hemû Misilmanên li Kurdistan, Îraq û cîhanê dikim.
Ez hêvî dikim ku ev bîranîn xweşî û bextewariyê bi xwe re bîne û bibe wesileya aştî û aramiyê ji bo me hemûyan.
Em ji Xwedayê nezin dixwazin ku di salvegera jidayîkbûna Pêxember de peyamên wî yên aştîxwaz, mirovperwer û qenciyê, li ser civaka Misilmanan û mirovahiyê belav bibin û rêberiya me hemûyan bikin.
Qendîla Mewlûdê li hemûyan pîroz be, her sal bi xweşî be.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse