Hewlêr (Rûdaw) - Parêzerên Baroya Amedê êrişa li parêzer Amedê Yasîn hatiye kirin şermezar kir.
Li parêzgeha Amedê duh kesekî bi çekê êrişî parezerê Baroya Amedê Yasîn Îçlî kir û ew birîndar kir.
Êriş li ofîsa hevalekî Îçli ya parezeriyê pêk hat.
Li ser agahdarkirinê tîmên tenduristiyê çûn cihê bûyerê û wan parêzerê birîndar rakir nexweşxaneyê.
Li gorî zanyariyan, kesê êriş kiriye di dosyeyeke qezaya trafîkê de aliyê beramber e ku Yasîn Îçlî dişopand.
Êrişkar berî niha jî gef li parêzerê navborî xwariye û wî parêzerî derbarê mijarê gilî kiriye.
Parêzerên li Amedê bi serokatiya Serokê Baroya Amedê Abdulkadîr Guleç îro li pêş Dadgeha Amedê kom bûn û bi daxuyaniya medyayê êrişa li parêzer Yasin Îçlî hatiye kirin şermezar kir.
“Êriş li karê parêzeriyê hatiye kirin”
Abdulkadîr Guleç ragihand ku dê bûyerê û pêvajoya yasayî heta dawiyê bişopînin û got:
“Êrîşa li dijî hevpîşeyê me bi temamî li dijî çalakî û karê parêzeriyê hatiye kirin.
Em dixwazin bêjin ku êrişa li dijî parêzeran li dijî azadiya lêgerîna mafan û welatiyan e.
Armanca erka fermî ya ku parêzer bicih dike parastina hiqûqa welatî û dabînkirina edaletê ye.
Tevî vê yekê li dijî parêzeran ku navbeynkarê azadiya lêgerîna mafan a welatiyan û gihiştina edalatê ne li ofîsên wan, li holên dadgehê û li cihên kişf û heczê mixabin bi hemû awayî êrişên devkî û fîzîkî berdewam dikin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse