Li şûna Mala Êzidiyan dest bi avakirina dibistaneke Îslamî kirine
Hewlêr (Rûdaw) - Li Efrînê artêşa Tirkiyê û grûpên çekdar Mala Êzidiyan xerab kirin û dest bi avakirina dibistaneke Îslamî kirine li şûna wê.
Li bajarê Efrînê yê Rojavayê Kurdistanê, artêşa Tirkiyê û grûpên çekdar li cihê mala Êzdiyan, dibistaneka Îslamî ava dikin.
Rêxistina Mafê Mirovan ya Efrînê ragihand ku artêşa Tirkiyê û çekdarên girêdayî wê Mala Êzdiyan ya li navenda bajarê Efrînê xerab kirin.
Her li gor zanyariyên wê rêxistinê artêşa Tirkiyê û grûpên çekdar bi hemahengiya li gel komeleya bi navê Komeleya Şêx Ebid El-Nûrî ya Kiwêtî û Komeleya bi navê Destên Spî, li şûna Mala Êzidiyan dibistaneke Îslamî ava dikin.
Rêxistina Mafê Mirovan da zanîn ku, kevirê bingehîn yê Dibistana Îslamî di roja 3 Tebaxê hatiye danîn ku ew roja salvegera komkujiya Şingalê ya 2014an a li ser destê DAIŞê bû.
Bajarê Efrînê yê Rojavayê Kurdistanê, 18ê Adara 2018an ket destê artêşa Tirkiyê û grûpên çekdar ên bi ser wê ve.
Binpêkirin û talana li herêma Efrînê ku bi destê wan grûpên çekdar rû didin, di gelek raportên navdewletî de jî hatine tomarkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse