Mezlûm Ebdî û Osman Baydemîr civiyan

Hewlêr (Rûdaw) - Fermandarê Giştî yê Hêzên Sûriyeya Demokratîk (HSD) General Mezlûm Ebdî siyasetmedarê Kurd Osman Baydemîr pêşwazî kir.

Siyasetmedarê Kurd Osman Baydemîr ku piştî ziyaretên xwe yên li Başûrê Kurdistanê derbasî Rojavayê Kurdistanê bûbû li Rojavayê Kurdistanê jî dest bi hevdîtinan kir.

Osman Baydemîr piştî civînên bi Partiya Yekîtiya Demokratîk (PYD) û  Encûmena Niştimanî ya Kurd a Sûriyeyê (ENKS) îro bi Mezlûm Ebdî re civiya.

Fermandarê Giştî yê HSDyê ji ser hesabê xwe yê Xê behsa civînê bi Osman Baydemî re kir û got:

“Bi serdana Parlemanterê berê yê Partiya Demokratîk a Gelan (HDP) Birêz Osman Baydemir kêfxweş bûm.

Me rewşa Bakur û Rojhilatê Sûriyeyê û pêvajoya aştiyê li Bakurê Kurdistanê û Tirkiyeyê nirxand.

Hevdîtineke baş bû, me giringî da piştgirîya xebatên aştî û aramiyê û derfetên çareseriya siyasî li herêm û Sûriyeyê.”

Kêfxweş bûm bi serdana birêz Osman Baydemir, Parlemanterê berê yê Partiya Demokratîk a Gelan (HDP).
Me rewşa Bakur û Rojhilatê Sûriyeyê û pêvajoya aştiyê li Bakurê Kurdistanê û Tirkiyeyê nirxand.
Hevdîtineke baş bû, me giringî da piştgirîya xebatên aştî û aramiyê, û derfetên… pic.twitter.com/eEJN5lp7eB

— Mazloum Abdî مظلوم عبدي (@MazloumAbdi) November 7, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger