Hewlêr (Rûdaw) - Serok Mesûd Barzanî û Nûnerê Amerîkayê yê Karû Barên Sûriyeyê Tom Barack rewşa herêmê û Rojavayê Kurdistanê gotûbêj kir.
Îro di navbera Serok Mesûd Barzanî û Nûnerê Amerîkayê yê Karû Barên Sûriyeyê Tom Barack peywendiyeke telefonî pêk hat.
Di wê peywendiyê de, her du aliyan behsa rewşa giştî ya siyasî ya herêmê û rûdan û guherînên dawî yên li Sûriye û Rojavayê Kurdistanê kirin.
Her du alî li ser wê yekê hevnêrîn bûn ku ji bo ku rê li ber kaos, nearamî û şer bê girtin û aştî û aramî bê misogerkirin divê hemû hewl û rêbaz bidomin.
Her wiha Serok Barzanî û Tom Barack rola hev a di pêkanîna aştî û aramiya herêmê de bilind nirxand.
Serok Barzanî di heman demê de spasiya rola Amerîkayê kir û tekezî li ser girîngiya parastina hevpeymaniya di navbera gelê Kurdistanê û Amerîkayê de kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse