5 endamên Tevgera Nifşê Nû hatin girtin

Silêmanî (Rûdaw) - Bi tometa teşhîrkirin û êrîşkirina ser endamên Newey Nwê (Nifşê Nû), fermana girtinê bo 10 endamên wê tevgerê derketiye û Berdevkê Dadgeha Silêmaniyê ragihand ku heya niha 5 kes ji wan 10 kesan hatine girtin.

Piştî ku yek ji perlemanterên Nifşê Nû bi tometa êrîşkirin û teşhîrkirina perlemanteran, doz li ser serokê wê tevgerê, Şasiwar Ebdilwahid tomar kir, dadwer fermana girtina 10 kesan da.

Berdevkê Dadgeha Silêmaniyê, Hakim Umer Ehmed ji Rudawê re ragihand ku her careke ku hêzên asayişê çûne ser baregeha Nifşê Nû, bi biryara dadwer bûye û fermana dadgehê ya girtina wan, hebûye.

Hakim Umer Ehmed got jî, ji wan 10 kesên ku fermana girtina wan derketiye, tenê 5 kes hatine girtin.

Berdevkê Dadgeha Silêmaniyê red kir ku fermana girtinê bo Şaswar Ebdulwahid derketibe.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger