Hewlêr (Rûdaw) - Li navçeya Şeqlaweyê ya parêzgeha Hewlêrê xwişk û birayek di hewzeke avjeniyê de xeniqîn ku her du jî zarok bûn.
Birêvebirê Birêvebiriya Parastina Sivîlan a Şeqlaweyê Ebdulqadir Dilşad ji Tora Medyayî ya Rûdawê re ragihand:
"Bûyer li hewzeke avjeniyê ya vîlayeke geştyariyê çêbûye û di encamê de du zarok xeniqîne."
Ebdulqadir Dilşad her wiha anî ziman:
"Ji ber ku bûyer li nav malekê çêbûye, em nehatine agahdarkirin û termên wan veguhastine nexweşxaneyê."
Çavkaniyekî ji Birêvebiriya Tenduristiyê ya Şeqlaweyê ji Rûdawê re anî ziman:
"Termên du zarokan anîn nexweşxaneyê ku bi eslê xwe Ereb bûn.
Piştî rêkaran ew şandin Tiba Dadî."
Ebdulqadir Dilşad amaje pê kir ku ji bilî bûyera îro, îsal 2 kesên din jî xeniqîne.
Bi bûyereke bi heman rengî de 7ê vê mehê 2 zarokên ku bira bûn li Îdareya Serbixwe ya Germiyanê xeniqîbûn.
Li gorî şopandina Tora Medyayî ya Rûdawê, îsal zêdetirî 55 kesan di çem û rûbarên Herêma Kurdistanê de xeniqîne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse