Komîsyon dê îro bi karsazan re bicive

Hewlêr (Rûdaw) - Komîsyona Hevgirtina Neteweyî, Biratî û Demokrasiyê îro 9emîn civîna xwe li dar dixe û dê nêrînên odeyên pîşeyî û karsazan ên derbarê pêvajoyê de guhdar bike.

Komîsyonaa ku di çarçoveya pêvajoya çareseriyê de hatiye avakirin dê îro saet 14:00an careke din bicive.

Doh Komîsyonê di civîna xwe ya 8emîn de bi nûnerên konfederasyonên sendîkayan re hevdîtin kiribû.

Biryar e îro Komîsyon bi Yekîtiya Ode û Borsayên Tirkiyeyê (TOBB), Yekîtiya Odeyên Çandiniyê yên Tirkiyeyê (TZOB), Konfederasyona Dikandar û Hunerkarên Tirkiyeyê (TESK), Konfederasyona Sendîkayên Karsazên Tirkiyeyê (TÎSK), Komeleya Pîşesazî û Karsazên Tirkiyeyê (TUSÎAD) û Komeleya Pîşesaz û Karsazên Serbixwe (MUSÎAD) re bicive û nêrînên wan ên derbarê pêvajoyê de wergire.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger