Hewlêr (Rûdaw) - Li parêzgeha Amedê ya Bakurê Kurdistanê ciwanekî ku ji bo xilaskirina bira û xizmekî xwe xwe avêtibû Çemê Dîcleyê, di avê de winda bû.
Li gundê Husênikê yê Amedê T.A. tevî her du kurên xwe O.A. û U.A. û xizmekî xwe ji bo avjeniyê çûn ber Çemê Dîcleyê.
Dema ku U.A. û xizmê wî di avê de bûn, ketin rewşeke metirsîdar.
Ji bo rizgarkirina wan, bav T.A. û kurê wî yê din O.A. xwe avêtin avê.
Bi alîkariya kesên li derdorê, U.A. û xizmê wî hatin xilaskirin lê O.A. vê carê di nav avê de li ber pêlan ket û winda bû.
Li ser agahdarkirinê, tîmên tenduristiyê, tîmên rizgarkirinê yên Şaredariya Bajarê Mezin a Amedê û cendirme çûn cihê bûyerê.
Tîman her du kesên ku ji avê hatibûn rizgarkirin birin Nexweşxaneya Dewletê ya Selahaddîn Eyûbî.
Tîmên rizgarkirinê ji bo dîtina O.A. dest bi xebatên lêgerînê kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse