Li Êlihê dê û bav û keç û kur hatin kuştin

Hewlêr (Rûdaw) - Li navçeya Qubînê ya Êliha Bakurê Kurdistanê di êrişeke bi çekan de dayîk, bav û 2 zarokên wan hatin kuştin.

Parêzgariya Êlihê ragihand ku şeva borî saet 22:55an li ser rêya gundê Newalê yê navçeya Qubînê hinek kesên ku nasnameya wan hîn nehatiye diyarkirin bi çekan êrişî otomobîla wê malbatê kiriye.

Zarok 5 û 9 salî ne

Di daxuyaniyê de hat diyarkirin ku di êrişê de M.Ş. û hevjîna wî T.Ş., keça wî E.Ş. (9 salî ye) û kurê wî A.Ş. (5 salî ye) mirine.

Parêzgariya Êlihê di daxuyaniya xwe de got:

"Derbarê bûyerê ji aliyê serdozgeriya komarê ve dest bi lêpirsîna dadî hatiye kirin û yekîneyên me yên ewlehiyê jî bi lez dest bi xebatên ji bo ronîkirina bûyerê kiriye.

Dê li ser pêşhatan çapemenî û raya giştî werin agahdarkirin."

Term ji bo otopsiyê rakirin morga Nexweşxaneya Perwerde û Lêkolînê ya Êlihê.

Tîmên lêkolînanan, li ser otomobîla ticarî ya sivik a bi plakaya 72 EK 339 a ku rastî êrişa çekdarî hatibû jî lêkolîn kirin.

4 kes hatin desteserkirin

Parêzgariya Êlihê vê sibehê jî destnîşan kir ku 4 gumanbar hatine desteserkirin û kar û barên wan ên ji bo îfadewergirtinê didomin.

#WÊNE - Li Êlihê dê û bav û keç û kur hatin kuştin

🛑 Li navçeya Qubînê ya Êliha Bakurê Kurdistanê dê û bav û 2 zarokên wan hatin kuştin

🛑 Hinekan gule li otomobîla malbatê reşandine û dê û bav û keça wan û kurê wan hatine kuştin

📸AA pic.twitter.com/qLc37AbFxj

— RudawKurdi (@RudawKurdi) September 15, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger