Hewlêr (Rûdaw) - Wezareta Karên Navxwe ya Tirkiyeyê ji bo parêzgehên Amed, Êlih, Sêrt, Şirnex û Mereşê yên Bakurê Kurdistanê hişyariya barana gur da.
Wezaretê ji welatiyan xwest ku li hemberî rewşên nebaş ên hewayê tedbîrên pêwîst wergirin.
Wezareta Karên Navxwe ya Tirkiyeyê li ser agahiyên Birêvebiriya Giştî ya Saziya Keşnasiyê daxuyaniyek belav kir.
Li gorî daxuyaniyê, dê ji roja Înê û pê ve li başûrê rojavayê parêzgeha Mereşê û li tevahiya parêzgehên Êlih, Sêrt û Şirnexê baraneke gur bibare.
Her wiha hat ragihandin ku li rojhilatê parêzgeha Amedê jî baraneke gur a bi birûsk tê çaverêkirin.
Li dijî lehiyê baldar bin
Wezaretê bangî hemû welatiyan kir ku li hemberî metirsiyên wekî lehiya ji nişka ve, ketina avê ya nav malan û vedana birûskan baldar bin.
Di daxuyaniyê de hat destnîşankirin, dibe ku zîpik bibare û bayekî bihêz rabe lewma divê welatî tedbîrên xwe wergirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse