Dêrsim (Rûdaw) - Li navçeya Pilûrê ya Dêrsima Bakurê Kurdistanê birûskê li keriyê pez da û .
Bûyer li Zozanên Kanî Gasikê yên li ser Çiyayê Munzurê qewimî.
Barana gur a ku doh piştî nîvro dest pê kir, li hinek deverên bilind bandoreke neyînî li jiyanê kir.
Dema ku keriyê pez ê Mursel Bulut li zozanan diçêriya birûskê lê da û 200 serî mêşin telef bûn.
Zozanê Kanî Gasikê 2 hezar û 500 metreyî ji asta deryayê bilintir e û piştî barana gur birûskan li keriyê pez daye.
“Ked û xebata min a du salan çû”
Mursel Bulutê ku debara xwe bi xwedîkirina pez dike diyar kir ku ew di şert û mercên zehmet de li van çiyayan debara xwe dikin û got:
"Ji ber lêdana birûskê 200 pezên min telef bûn. Ked û xebata min a du salan çû. Ez mexdûr im. Ji kerema xwe alîkariya min bikin."
Her wiha hat zanîn ku tîmên Birêvebiriya Çandiniyê ya Dêrsimê dê biçin zozanan û dest bi lêkolîn û tesbîtkirina zererê bikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse