Hewlêr (Rûdaw) - Wezareta Karên Derve ya Îranê ragihand ku ew dê li hemberî zext û gefên navneteweyî serî netewînin û diyar kir ku di van şertan de ew dê ti peyman an jî teahûdnameyan qebûl nekin.
Berdevkê Wezareta Karên Derve ya Îranê Îsmaîl Baqayî daxuyaniyek da û got:
“Hûn nikarin dewletekê di bin şert û mercên neyasayî de, bi gef û zextê neçar bikin ku peymanekê qebûl bike.
Ne rast e ku mirov li bendê be ku peymaneke wiha berdewam bike.”
Îsmaîl Baqayî da zanîn ku Îran rastî êrişeke leşkerî hatiye û wiha got:
“Îran, tenê ji bo parastina rûmeta xwe, gelê xwe û yekparçeyiya axa xwe tevdigere."
"Îran di bin zext û gefan de ti peymanan qebûl nake"
Baqayî bal kişand li ser rewşa dawî ya li welatê xwe û wiha domand:
“Îran di bin zext û gefan de ti peyman û teahûdnameyan qebûl nake.
Wezareta Karên Derve jî dê nûnertiya îradeya gel û serokatiya Îranê bi awayekî bêkêmasî bidomîne.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse