Hewlêr (Rûdaw) - Li navçeya Cizîrê ya parêzgeha Şirnexê ya Bakurê Kurdistanê wesayîta agirvemirandinê wergeriya û di encamê de 5 kes birîndar bûn.
Li gorî agahiyên hatine bidestxistin, wesayîta agirvemirandinê ya ku Mehmet Ecevît diajot dema diçû vemirandina agir, li nêzîkî xaniyên TOKÎyê wergeriya.
Li ser agahdarkirinê, tîmên tenduristiyê û polîs çûn cihê bûyerê.
5 karmendên di wesayîta agirvemirandinê de birîndar bûn.
Tîmên tenduristiyê karmendên birîndar veguhastin Nexweşxaneya Dewletê ya Dr. Selahattîn Cizrelîogluyê ya Cizîrê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse