Cihê qezayê\ Wêne û Vîdeo: Rûdaw
Hewlêr (Rûdaw) - Îro li ser rêya Kerkûkê qezayeke trafîkê çêbû û di encamê de du keçan canê xwe ji dest da.
Nûçegihanê Rûdawê yê Kerkûkê Herdî Mihemed ji cihê bûyerê ragihand ku cureya wê otomobîla ku qeza kiriye Hyundai Accent e û du keçên Kurd tê de bûne.
Li gorî agahiyên ku Herdî Mihemed dane, ew her du keçên Kurd şêniyên Taxa Şorawayê ya Kerkûkê ne.
Navê şofêrê Niyan Serdar e û sala 2004an ji dayîk bûye. Navê rêwiya din heta niha nehatiye zanîn.
Li gorî şahidan, otomobîl "gelekî bi lez diçû" û li tankereke şaredariyê daye ku wê demê şitilên li ser rê av didan.
Şahidekî qezayê ji Rûdawê re got, "Otomobîl gelekî bi lez dihat, şofêr nikarîbû otomobîlê kontrol bike û li tankerê da.
Karkerê ku şitil av didan û li cem tankerê bû xwe rizgar kiriye û rewşa wî baş e."
Li gorî agahiyên Rûdawê, di nava mehekê de nêzîkî 10 qezayên trafîkê li ser rêya bazneyî ya Kerkûkê çêbûne û bûne sedema mirinan.
Yek ji wan sedeman jî ew e ku li ser wê rêyê ti kamerayên lezê nehatine danîn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse