Hewlêr (Rûdaw) - Pîrozbahiyên Newrozê yên li Ameda Bakurê Kurdistanê bi dirûşma "Azadî û Yekîtiya Demokratîk" dest pê kir.
Şahiya Newrozê li Parka Newrozê ya navçeya Rezanê tê lidarxistin.
Girseya xelkê ji saetên serê sibê ve li qadê kom dibe.
Di bernameyê de dê Hevserokê Giştî yê DEM Partiyê Tuncer Bakirhan, Serokê Giştî yê Partiya Azadiyê Ayetulah Aşitî, Ayla Akat Ata, Çetîn Arkaş û Leyla Zana gotarekê pêşkêş bikin.
Her wiha dê peyamên Serokê Herêma Kurdistanê Nêçîrvan Barzanî û Serokê YNKiyê Bafil Talebanî werin xwendin.
Di heman demê de tê payîn ku peyama Rêberê PKKyê Abdullah Ocalan jî were xwendin.
Tevî baranê jî coşeke mezin heye
Tevî ku hewa baranî ye jî ji saetên destpêkê yên sibê ve bi hezaran kes herikîn qadê.
Tê çaverêkirin ku bi deh hezaran kes beşdarî şahiya îsal bibin.
Ji xeynî xelkê Amedê, bi sedan kes ji bajarên wekî Êlih, Mûş, Sêrt, Wan û Rihayê jî ji bo pîrozbahiya Newrozê çûne Amedê.
Beşek ji beşdaran cilên neteweyî yên Kurdan li xwe kirine.
#VÎDEO - Ji Sirûcê çûye Newroza Amedê û coşa xwe bi tilîliyên xwe nîşan dide#Newroz #Amed pic.twitter.com/1TH52hkBr6
— RudawKurdi (@RudawKurdi) March 21, 2026
Rê nedan şal û şapikan
Ji bo ketina qada Newrozê saet 10:00an derî hatin vekirin.
Li derdora qadê 6 xalên lêgerînê hatin danîn.
Polîsan beşdar yek bi yek kontrol kirin.
Xelk piştî kontrolkirina nasnameyan ket hundir.
Li hin xalên kontrolê polîsan destûr neda welatiyên ku şal û şapik li xwe kiribûn da ku bikevin qadê.
Polîsan cilên Kuran wekî "unîformên leşkerî" nirxandin û wekî hincet nîşan da ku "li ser milên wan apolet hene".
Pîrozbahiyên ku bi amadebûna endamên Komîteya Amadekar a Newrozê bi awayekî fermî dest pê kirin, bi stranan û gerandina govendê didomin.
#WÊNE - Li Amedê qada Newrozê hêdî hêdî germ dibe
— RudawKurdi (@RudawKurdi) March 21, 2026
🔥 Kurdistan dê îro biherike qada Newrozê
📸 Cêgir Umer-Rûdaw #Newroz #Amed pic.twitter.com/uOI7KFwARh
Bakirhan: Em zimanê Kurdî dixwazin
Hevserokê DEM PartiyêTuncer Bakirhan ragihand ku dem hatiye îradeya gelê Kurd bi fermî were naskirin û zimanê Kurdî di destûra Tirkiyeyê de cih bigire.
Tuncer Bakirhan li qada Newroza Amedê beşdarî bultena Rûdawê bû û pirsên Hêvîdar Zanayê bersivandin.
Tuncer Bakirhan got, "Tevî baran û sermayê jî kombûna bi hezaran kesan nîşaneya îdareyeke pola ye ji bo xwedîderketina li mafên neteweyî."
Bakirhan destnîşan kir ku gelê Kurd 100 sal in di nav têkoşîneke mezin de ye û divê Tirkiye di sala 2026an de pêngavên pratîkî, demokratîk û yasayî biavêje.
Hevserokê DEM Partiyê li ser çareseriya Pirsgirêka Kurdan wiha axivî:
"Divê zimanê Kurdî bi fermî were naskirin û mafên ziman û çanda Kurdan di destûra Tirkiyeyê de cih bigirin.
Her wiha divê bi hezaran çalakvan û girtiyên siyasî werin azadkirin û vegerin nav xebatên sivîl."
Bakirhan di wê baweriyê de ye ku pêwîst e dawî li pergala qeyûman were anîn û îradeya gel li şaredariyan vegere.
#VÎDEO - Tuncer Bakirhan: Birêz Ocalan gavên pir girîng avêtin. Êdî dora hikûmet û desthilatê ye
— RudawKurdi (@RudawKurdi) March 21, 2026
💬 Gelê Kurd 100 salî zilm û zoreke pir mezin dît
💬 Em ji bo azadiya Kurdan têkoşîneke pir mezin didin
💬 Şilî ye, baran e lê gel dîsa hatiye û mafên xwe dixwaze
🔥 Hevserokê… pic.twitter.com/LXTVtHNjnU
Gulcan Kaçmaz Sayyîgît: Divê dewleta Tirkiyeyê gavên yasayî biavêje
Parlamentera DEM Partiyê û Seroka Destpêşxeriya Yekîtiya Demokratîk (DTK) Gulcan Kaçmaz Sayyîgîtê li şahiya Newroza Amedê ji Rûdawê re axivî.
Gulcan Kaçmaz Sayyîgîtê xwest ku zimanê Kurdî bibe zimanekî fermî, girtiyên siyasî werin azadkirin û nasnameya gelê Kurd were misogerkirin.
Parlamentera DEM Partiyê destnîşan kir ku ew li bendê ne piştî Newrozê, dewleta Tirkiyeyê ji bo çareseriyê gavên dîtir biavêje.
Sayyîgîtê diyar kir ku ev gav ji bo danîna bingehên yasayî yên pêvajoya çareseriyê gelekî girîng û pêwîst in.
#VÎDEO - Gulcan Kaçmaz Sayyîgît: Gelê Kurd êdî azadiyê dixwaze. Em îro li ser axa pîroz in
— RudawKurdi (@RudawKurdi) March 21, 2026
💬 Parlamentera DEM Partiyê Gulcan Kaçmaz Sayyîgît: Newroza Kurdistanê pîroz be #Newroz #Amed pic.twitter.com/lwofpEUujv
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse