Hewlêr (Rûdaw) - Balyozê Çînê yê li Enqereyê Jiang Xuebin û şandeya pê re çûn Şaredariya Bajarê Mezin a Amedê.
Şandeyê bi hevserokên şaredariyê re hevdîtinek kir.
Di civînê de bipêşxistina pêwendiyên dîplomatîk û çandî yên di navbera her du aliyan de hat nirxandin.
Hevserokên Şaredariya Amedê bal kişand ser potansiyela bajêr a di warên geştyarî, çandinî û teknolojiyê de.
Şandeya Çînê hat pêşwazîkirin
Şaredariya Bajarê Mezin a Amedê li ser hesabê xwe yê medyaya civakî derbarê mijarê daxuyaniyek belav kir.
Li gorî daxuyaniyê, Balyozê Komara Gel a Çînê yê li Enqereyê Jiang Xuebin û şandeya pê re îro çûne serdana şaredariyê.
Hevserokên Şaredariyê Serra Bucak û Dogan Hatun li avahiya şaredariyê şandeya Çînê pêşwazî kir.
Daxwaza projeyên hevbeş
Di hevdîtinê de pêwendiyên dîplomatîk û çandî yên di navbera Çîn û Tirkiye û Bakurê Kurdistanê de hatin nirxandin.
Ev pêwendî di asta birêvebiriyên xwecihî de hatin gotûbêjkirin.
Hevserokan bal kişand ser potansiyela Amedê ya di warê geştyarî, çandinî û teknolojiyê de û wan daxwaza xwe ya ji bo xurtkirina pêwendiyan anî zimên.
Her du aliyan amadebûna xwe ya ji bo parvekirina ezmûnan û pêkanîna projeyên hevbeş nîşan da.
Hat destnîşankirin ku dê di dema bê de pêwendiyên her du aliyan li ser asta şaredariyan berdewam bikin.
🏢 Çin Büyükelçisinden Büyükşehir Belediyemize Ziyaret 🤝
— Diyarbakır Büyükşehir Belediyesi (@diyarbakirbld) May 21, 2026
📌 Çin Halk Cumhuriyeti’nin Ankara Büyükelçisi Jiang Xuebin ve beraberindeki heyet, Büyükşehir Belediyemizi ziyaret ederek Eşbaşkanlarımız Serra Bucak ve Doğan Hatun ile bir araya geldi. Görüşmede Türkiye ile Çin… pic.twitter.com/IvmivkMfkF
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse