Hewlêr (Rûdaw) - Li gorî amara Komeleya Penaberên Vegeriyayî yên Kurdistanê, di 8 mehên îsal de nêzîkî 6 hezar welatiyan ji Herêma Kurdistanê ber bi welatên Yekîtiya Ewropayê ve koç kiriye.
<ms-cmark-node>Serokê Komeleya Penaberên Vegeriyayî Bekir Elî li ser koça ji Herêma Kurdistanê ji Rûdawê re axivî.</ms-cmark-node>
“Piraniya koçberan ji ber bêkariyê diçin”
Bekir Elî diyar kir ku piraniya koçberan ji îdareyên serbixwe yên Raperîn, Germiyan, Zaxo û Soranê ne.
Elî got, “Xelkê navenda bajaran kêm koç dikin, ji ber ku li wir derfetên kar zêdetir in. Sedema ji sedî 80yê koçberiya li navçe û nahiyeyan bêkarî ye.”
Çavkanî û qurbaniyên rêya koçê
Bekir Elî li ser çavkaniyên amarên xwe got, “Nûnerên me li Yunanistan, Îtalya û Fransayê hene.
Her wiha em agahiyan ji qaçaxçî û bazirganên li Tûnis, Lîbya û Tirkiyeyê jî werdgirin ku rojane çend belem derdikevin û çend ji wan Kurd in.”
Serokê Komeleyê her wiha da zanîn ku di 8 mehên îsal de, sê-çar welatiyan di rêya koçê de canê xwe ji dest daye.
“Kesên vedigerin, dîsa hewl didin biçin”
Hinek ji koçberan ji aliyê welatên wekî Lîbya, Tûnis, Tirkiye û Yunanîstanê ve tên desteserkirin û bi zorê tên vegerandin.
Bekir Elî destnîşan kir ku piraniya kesên tên vegerandin, careke din hewl didin koç bikin û got:
“Ji ber ku wan pere dane qaçaxçiyan û pereyên xwe wernagirin. Qaçaxçî ji wan re dibêjin ‘Em dê we careke din bigihînin’.”
Piraniya kesên ku ji Herêma Kurdistanê koç dikin ciwan in.
Îsal herî zêde koçberan rêya Lîbya û Tûnisê bi kar aniye.
Beşek ji wan jî wekî berê, bi rêya Tirkiyeyê berê xwe dane Yunanîstan û welatên din ên Yekîtiya Ewropayê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse