Hewlêr (Rûdaw) - Li bajarê Merîwanê yê Rojhilatê Kurdistanê tiştekî giran bi serê karkerekî de ket û wî karkerî canê xwe ji dest da.
Karkerê bi navê Eyûb Qadirî doh evarê dema ku di avahiyekê de dixebitî tiştekî giran li serê wî ket.
Welatiyekî ji Merîwanê ji Rûdawê re got, "Eyûb Qadirî di dema kar de tiştekî giran bi ser de ketiye û bi giranî birîndar bûye. Piştî ku ew rakirine nexweşxaneyê canê xwe ji dest daye."
Eyûb Qadirî ji gundê Bêwleyê yê bajarê Merîwanê ye û bavê du zarokan bû.
Saziya Bijîşkiya Dadî ya Îranê 19ê Tebaxa 2025an ragihandibû ku di navbera 21-03-2024 û 21-03-2025an de, du hezar karkeran li Îran û Rojhilatê Kurdistan di dema kar de mirine û 26 hezar û 548 karker jî birîndar bûne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse