Hewlêr (Rûdaw) - Li Rihaya Bakurê Kurdistanê otomobîleke tîcarî ya sivik qulibî û di encamê de kesek mir, 5 kes jî birîndar bûn.
Otomobîla tîcarî ya sivik a bi plakaya 01 BAR 885 a ku Bedrî B. diajot, li ser rêya Rihayê û Amedê di kîlometreya 28an de qulibî.
Di qezayê de Murşîde B.ya 58 salî li cihê qezayê mir.
Ajokar Bedrî B. û kesên bi navên Salîh B., Resûl B., Esra B. û Dilaver B. birîndar bûn.
Li ser agahdarkirinê tîmên tenduristiyê, tîmên agirvemirandinê û cendirme sewqî cihê bûyerê hatin kirin.
Tîmên tenduristiyê birîndar veguhastin nexweşxaneyên li bajêr.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse