Hewlêr (Rûdaw) - Li parêzgeha Rihayê ya Bakurê Kurdistanê di qezayeke trafîkê de 3 kesan canê xwe ji dest da û 2 kes jî birîndar bûn.
Li gorî zanyariyan, vê êvarê li ser rêya sereke ya Riha-Mêrdînê otomobîlek û barhilgirek li hev qelibîn.
Di bûyerê de şofêrê otomobîlê Mehmet Sumer li gel 2 kesên din ên di otomobîlê de yên bi navên Muharrem Guzel û Sefa Sabuncu canê xwe ji dest da.
Herwiha kesên bi navên Burhan Sumer û Ahmet Uludag jî ku di otomobîlê de bûn birîndar bûn.
Li ser agahdarkirinê, tîmên tenduristiyî çûn cihê bûyerê û birîndar rakirin nexweşxaneyê.
Hat ragihandin ku şofêrê barhilgirê ji aliyê hêzên ewlehiyê ve hatiye desteserkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse