Nêçîrvan Barzanî ​û Konsulê Fransayê civiyan

Hewlêr (Rûdaw) - Serokê Herêma Kurdistanê Nêçîrvan Barzanî Konsulê Fransayê yê Hewlêrê Yann Braem rewşa Rojhilata navîn gotûbêj kir.

Serokê Herêma Kurdistanê Nêçîrvan Barzanî Konsulê Giştî yê Fransayê yê Herêma Kurdistanê Yann Braem qebûl kir.

Serokatiya Herêma Kurdistanê li ser civînê daxuyaniyek belav kir.

Li gorî daxuyaniyê di hevdîtinê de, derbarê bipêşketinên dawî yên rewşa Rojhilata Navîn û eger û encamên şer û pevçûnan li ser rewşa herêmê û aramî û seqamgîriya navçeyî û navnavneteweyî, bîr û raman hatin guhartin û behsa metirsiyên egera zêdetir berfirehbûna aloziyan hat kirin.

Serokatiya Herêma Kurdistanê ragihand ku her alî li ser girîngiya hewldanên ji bo aramkirina rewşê û rawestandina şer û pevçûnan hemfikir bûn.

Her wiha tekezî li ser helwesta Fransa û Herêma Kurdistanê kir ku rê li ber belavbûna zêdetir a aloziyan bê girtin û pirsgirêk û nakokî bi rêya diyalog û rêyên dîplomatîk bên çareserkirin.

Di daxuyaniyê de hat ragihandin ku Konsulê Fransayê Yann Braem derbarê hewldanên Fransa û Serokkomarê Fransayê Macron ên ji bo rawestandina şer û çareseriya aştiyane ya pirsgirêkan zanyarî da.

Bream di hema çarçoveyê de bal kişan ser hewldanên Fransayê yên di çarçoveya Troykaya Ewropî de ji bo rêgirtina li berfirehbûna rewşê û vegera aliyan ji bo diyalog û rêyên çareseriya dîplomatîk.

Di dawiya daxuyaniyê de hat ragihandin ku pêwendiyên Fransayê yên li gel Îraq û Herêma Kurdistanê, pêwendiyên di navbera Hewlêr û Bexdayê de û hejmarek pirsên girîng ên hevbeş, mijarên din ên hevdîtinê bûn.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger