کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Werzişvan û çiyager / Wêne: Rûdaw

Werzişvan û çiyager / Wêne: Rûdaw

Kurdistan

DÎLOK - Werzîşvan û çiyager li dijî madeyên hişbir meşiyan

Mihemed Emîn Demir

Mihemed Emîn Demir

26-02-2026
Guhdarî bike
0:00
0:00
Mezinahiya Nivîsê
Mihemed Emîn Demir
Mihemed Emîn Demir26-02-2026

Nûçeyên Têkildar

Birêvebirên HEVBENDÎyê li dozgeriyê bi Kurdî îfade da
Kurdistan19-11-2026

Birêvebirên HEVBENDÎyê li dozgeriyê bi Kurdî îfade da

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Hewlêr (Rûdaw) - Li navçeya Bêlqîsê ya Dîloka Bakurê Kurdistanê werzişvan û jîngeparêzan li dijî bikaranîna madeyên hişbir meşek li dar xist.

Hefteya borî 77 werzişvan û jîngeparêzan bi armanca balkişandina li ser bikaranîna madeyên hişbir û tundiyê li peravên Çemê Firatê û Keleha Rûmê çalakiyek kir.

Werzişvan dibêjin, ciwan paşeroja me ne û divê li hemberî madeyên hişbir werin parastin.

“Em ji bo ciwanên Kurd dimeşin”

Çiyager Erhan Yumru diyar kir ku ew derdora 70 kesî ne û got:

“Em niha hatine Rûmqeleyê. Em ji bo meşa xwezayê hatine. Em ji bo ciwanên Kurd dimeşin.

Em hez nakin ku ciwanên me bidin pey şopa tiştên pîs, ên wekî madeyên hişbir û tiştên nebaş.

Bila ciwanên me werin û li nav çiyayan bimeşin û li nav newalan bigerin.”

“Em naxwazin ciwanên xwe winda bikin”

Çiyager Îbrahîm Parmaksiz jî sedema meşa xwe wiha rave kir:

“Em îro ji ber çi meşiyan? Di demên dawî de li bajarê me şer derdikeve û li mal û kolanê dengê çekan tê.

Em dixwazin bila şer nebin û aramî hebe. Em ji bo vê yekê meşiyan.

Ya duyem jî, di demên dawî de ciwan zêde madeyên hişbir bi kar tînin.

Em dixwazin ku madeyên hişbir û xûyên pîs di nav ciwanan de nebin. Em naxwazin ciwanên xwe winda bikin.”

Ji gelek bajaran û pîşeyên cuda werzişvan beşdarî çalakiyê bûn û ji saet 11:00an heta 17:00an meşiyan.

Werzişvan Sumeyra Demîr Kayayê jî got, “Ez ji bajarê Wanê têm. Ji min re gotin ‘Tu yê herî wê derê çi bikî, ber û çiya tunin.’

Ez hatim, rast e ber tunin lê çiya hene. Em li Rûmqeleyê ne û pir xweş e.”

Amarên girtiyan

Werzişvan daxwaz dikin ku ciwan bi werzişê re eleqedar bibin û ji tiştên xerab dûr bikevin.

Werzişvan Berfîn Beyyîtmîşê jî got, “Ev meşa me ji bo astengkirina madeyên hişbir e. Ji bo tundiya di nav hevalan de ye. Mirov hez dike were li xweza û jîngehê bigere. Ev der tendurist e û mirov jê hez dike.”

Wezareta Dadê ya Tirkiyeyê hefteya borî ragihandibû ku ji ber tawanên bazirganî û bikaranîna madeyên hişbir 182 hezar û 693 kes di girtîgehan de ne.

Ev hejmar dike ji sedî 44ê girtiyên li Tirkiye û Bakurê Kurdistanê. Her wiha derbarê zêdetirî 500 hezar kesan de jî lêpirsîn berdewam dike.

Nûçeyên Têkildar

Birêvebirên HEVBENDÎyê li dozgeriyê bi Kurdî îfade da
Kurdistan19-11-2026

Birêvebirên HEVBENDÎyê li dozgeriyê bi Kurdî îfade da

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Pirsên