Hewlêr (Rûdaw) - 76 malbat ji Kampa Holê ya Rojavayê Kurdistanê vegeriyan cih û warên xwe
Rêveberiya Xweser a Rojavayê Kurdistanê hêsankarî ji bo vegera koçberên Sûriyeyî kiriye da ku bi dilxwazî vegerin cih û warên xwe yên resen.
Di vê çarçoveya de li ser daxwaza koçberan 76 malbatên ku ji hêrêmên Dêrezorê ne ji Kampa Holê vegeriyan cih û warên xwe.
Hejmara van 76 malbatan ji 296 kesan pêk tê,
Ji sala 20219an ve 24 karwan vegeriyane herêmên Dêrezorê.
Li Dêrezorê ev yekem karwan e ku sala 2025an vegeriyaye cihê xwe.
Li gorî amarên Birêvebirê Ofîsa Kar û Barên Koçberan a Rêveberiya Xweser a Rojavayê Kurdistanê Şêxmus Ehmed dane Rûdawê hejmara kesên li Kampa Holê wiha ye:
13 hezar û 124 kesên Îraqî hene.
15 hezar û 805 kesên Sûriyeyî hene.
6 hezar û 385 kesên biyanî ji jin û zarokên malbatên DAIŞiyan hene.
Tevahiya wan dike 35 hezar û 314 kes.
Kampa Holê li başûrê rojhilatê bajarê Hisîçayê yê Rojavayê Kurdistanê ye û di bin kontrola Hêzên Sûriyeya Demokrat (HSD) de ye û kesên li kampê ne jin û zarokên çekdarên berê yên rêxistina DAIŞê ne.
