Li Kurdistanê nivîsên bo dadgehan dibin elektronî

Hewlêr (Rûdaw) - Serokê Fermangeha Teknolojiya Zanyarî da zanîn ku karên elektronîkkirina karên hikûmetê gav bi gav ‎tên kirin û got: “Me ji wezareta dad û navxwe destpê kiriye.”‎

Serokê Fermangeha Teknolojiya Zanyarî Hîwa Efendî ji Rûdawê re ragihand ku ‎karûbarên elektronîkkirina fermangehên hikûmetê ranewestiya ne û got: “Em gav bi gav kar dikin, me ‎ji fermangehên herdu wezaretên dad û navxwe destpê kiriye, sedem jî ew e ku rojane karekî zêde yê ‎xelkê li wan wezaretan heye.”‎

Hîwa Efendî ew yek jî veneşart ku karê wan bê pirsgirêk nabe, ji aliyê hinek kesan ve asteng tên çêkirin lê ew ‎wek serpereştyarên teknîkî hewl didin daxuyaniyeke baş bo xelkê bidin ku ew kar di dawî de bo ‎xizmeta tevahiya xelkê ye.‎

Efendî got: “Li dadgehan daxwaznamenivîs ji vî karî nerazî ne û dibêjin daxwaznameyek ji 2 hezar û 500 dînaran dibe 25 ‎hezar dinar û ew jî ne wiha ye. Ji ber li dadgehan fotokopî û wênegirtin û hejmarek pêdiviyên din hene ‎ku hemû dike zêdeyî 10 hezar dînar, tişta em jî bizanin niha ligel kompanyayekê gotûbêj heye daku ew ‎‎25 hezar dînarên daxwaz kirine were kêmkirin bo kêmî 20 hezar dînar, bi vêna jî ew cudahî gelekî kêm ‎dibe. Kar jî tên elektronîkkirin û careke din dema karekî welatiyan hebe wan pereyên zêde nadin, tişta ‎em pêşbînî dikin berî dawiya îsal nivîs bo dadgehan dibin elektronî.”‎

Pêngavên elektronîkkirina karên hikûmetê di kabîneya heştem a hikûmetê de destpêkirin, biryar e di ‎vê kabîneyê de bikevin ware cîbicîhkirinê.‎

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger