Parlamentoya Îsraîlê rewşa Rojavayê Kurdistanê gotûbêj dike

Hewlêr (Rûdaw) – Biryar e parlamentoya Îsraîlê îro rewşa Rojavayê Kurdistanê gotûbêj bike.

Îro Parlamentoya Îsraîlê ku wek Knesset tê naskirin, piştî êrîşên Tirkiyê yên ji 9ê Cotmeha derbasbûyî ‎ve, yekem car rewşa Rojavayê Kurdistanê gotûbêj dike.‎

Li gor medyaya Îsraîlê, Parlamenterê Partiya Şîn û Spî Zîvî Havzer proje-yasayek di vê derbarê de amade ‎kiriye û li ser êrîşa Tirkiyê û piştgirîkirina Kurdan li bakurê rojhilatê Sûriyê daxwaza helwêstê ji hikûmetê ‎dike.

Di nûçeyên medyaya Îsraîliê de hate gotin ku ligel şermezarkirina êrîşê ji aliyê welatên Yekîtiya Ewropa û Encûmena Nûneran a Amerîkayê ‎ve, heta niha ti helwêstekî fermî ji Îsraîlê nehatiye bihîstin, loma îro ew mijar tê gotûbêjkirin.‎

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger