Bexda (Rûdaw) – Wezareta Koç û Koçberan a Iraqê, ji bo derman û kelûpelên tendirustiya awareyên Mûsilê budceyeke 400 milyon dolarî terxan kir.
Wezareta Koç û Koçberan a Iraqê bi daxuyaniyekê ragihand: “Di berdewamiya operasyonên aliyê rastê Mûsilê de, ji bo peydakirina pêwîstiyên tendirustiyê yên koçberan, bi serokatiya Wezîrê Koç û Koçberan ê Iraqê Derbaz Mihemed civînek hate lidarxistin.”
Wezaretê di daxuyaniyê de destnîşan kiriye ku dê kampeke nû ava bikin û dibêje:
“Biryar hate dayîn ku kampên Neynowayê werin mezinkirin. Ji bo pêşwaziya awareyên Tileferê jî, biryara avakirina kampeke nû hat dayîn û budceyek hate diyarkirin. Herwiha ji bo pêwîstiyên tendirustiyê yên awareyên Neynewayê jî, 400 milyon dolar budce hatiye veqetandin.”
Operasyona rizgarkirina Mûsilê di 17ê Cotmeha 2016ê de hatibû destpêkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse