Hewlêr (Rûdaw) – Amerîkayê derbarê leşkerê xwe yê li Îzmîrê, ji aliyê endamên Yekîtiya Ciwanan a Tirkiyeyê (TGB) ve telîs xistibûn serê wî, daxuyanî da.
Keştiya Amerîkayê ya USS Waspê îro li bendera Îzmîrê rawestiya.
Li taxa Alsancakê ya Îzmîrê, grûpeke bi navê Yekîtiya Ciwanan a Tirkiyeyê êrişî leşkerekî Amerîkayê kir.
Wê grûbê telîs xist serê wî leşkerî ku di Keştiya Amerîkayê ya USS Waspê de erkdar e.
Ji ber bûyerê Serokê Yekîtiya Ciwanan a Tirkiyeyê Kayahan Çetin jî di nav de 13 kes hatin desteserkirin.
Balyozxaneya Amerîkayê ya Enqereyê derbarê bûyerê de daxuyanî da.
“Em spasiya rayedarên Tirkiyeyê dikin”
Di daxuyaniya xwe de Balyozxaneya Amerîkayê ya Enqereyê got:
“Em piştrast dikin ku personelên leşkerî yên Amerîkî yên USS Waspê îro li Îzmîrê rastî êrişê hatine niha ewle ne.
Ji ber destwerdana bilez û destpêkirina lêpirsînê derbarê bûyerê, em spasiya rayedarên Tirkiyeyê dikin.”
Li Îzmîrê endamên Yekîtiya Ciwanên Tirkiyeyê (TGB) welatiyekî biyanî girt û telîs xist serê wî
— RudawKurdi (@RudawKurdi) September 2, 2024
Endamên TGByê dirûşma "Yankee Go Home" got pic.twitter.com/tqUSauYwQ9
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse