Hewlêr (Rûdaw) - Civîna Serokkomarê Tirkiyeyê Recep Tayyîp Erdogan û endamên Heyeta Îmraliyê Pervîn Buldan û Mîthat Sancar dest pê kir.
Serokkomarê Tirkiyeyê Recep Tayyîp Erdogan îro li Koşka Serokkomariyê ya li Enqereyê Heyeta DEM Partiyê pêşwazî kir.
Civînê demjimêr 15:00an dest pê kir û di Heyeta Îmraliyê de Parlamentera Wanê Pervîn Buldan û Parlamenterê Rihayê Mîthat Sancar cih digirin.
Her wiha Alîkarê Serokê AK Partiyê Efkan Ala û Serokê MÎTê Îbrahim Kalin jî beşdarî civînê bûn.
Di rojeva civînê de pêvajoya çareseriya Pirsgirêka Kurdan û çekdanîna PKKyê heye.
Heyeta DEM Partiyê ya Îmraliyê doh li Girava Îmraliyê bi Rêberê PKKyê Abdullah Ocalan re hevdîtinek kir û Ocalan civîna li gel Erdogan wekî dîrokî bi nav kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse