Hewlêr (Rûdaw) - Piştî biryara PKKyê ya xwefesixkirinê Lijneya Ewlehiya Neteweyî ya Tirkiyeyê cara yekem civiya.
Lijneya Ewlehiya Neteweyî ya Tirkiyeyê doh bi serokatiya Serokkomarê Tirkiyeyê Recep Tayyîp Erdogan civiya û civîn nêzîkî 2 saet û nîvan berdewam kir.
Civîna Lijneya Ewlehiya Neteweyî ya Tirkiyeyê di daxuyaniya piştî civînê de tekezî li ser bi biryarbûna di pêvajoya li Tirkiye û Bakurê Kurdistanê de hat kirin.
Piştî civînê Serokatiya Ragihandinê ya Serokkomariya Tirkiyeyê li ser naveroka civînê daxuyaniyeke nivîskî belav kir.
Serokatiya Ragihandinê ya Serokkomariya Tirkiyeyê di daxuyaniyê de got:
“Derbarê operasyonên derve û navxwe yên li dijî rêxistinên terorê û li ser bipêşveçûnên herî dawî yên navneteweyî ji bo Lijneyê zanyarî hatin pêşkêşkirin.
Gavên ku bi armanca Tirkiyeya bêteror hatine avêtin û bipêşveçûnên herî dawî hatine nirxandin. Bi awayekî hestiyar şopandina her qonaxeke pêvajoya tasfiyeyê, bi awayekî mayînde derxistina terorê ji rojeva welat û avakirina yekîtiya miletê me hatiye ziman û li ser van mijaran tekezî bi biryarbûnê hatiye dayîn.
Amaje pê hatiye dayîn ku di encama paqijkirina rêxistinên terorê ji erdnîgariya hevbeş de, dê dewletên cîranê me jî wek Îraq, Sûriye û Îran aram bibin. Ji ber vê yekê jî hatiye gotin ku divê hevkariya di ware ewlehiyê de bihêztir bibe.
Bipêşveçûnên herî dawî yên li Sûriyeyê hatin nirxandin û hat diyarkirin ku dê piştgiriya bihêz a ji bo birêvebiriya Sûriyeyê berdewam bibe. Biryara rakirina cezayên navneteweyî yên li ser Sûriyeyê bi erênî hatine pêşwazîkirin.”
Di daxuyaniyê de her wiha hat destnîşankirin ku Sûriye di rewşeke metirsîdar de ye û divê li dijî zererdayîna yekîtiya Sûriyeyê hişyarî hebe.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse