Hewlêr (Rûdaw) - Li navçeya Canîkê ya bajarê Samsunê yê Tirkiyeyê, bav û du keçên wî di bin axa hezazê de man û mirin.
Hat ragihandin ku şeva borî demjimêr 23:00yan li ser rêya Samsun û Orduyê hez li erdê ketiye û lat û kevir ji çiyê gindirîne xwarê û bi ser cihê şûştina otomobîlan de hatine.
Li ser agahdarkirinê AFAD, tîmên agirvemirandinê, polîs û tîmên tenduristiyê çûne cihê bûyerê.
Ji malbata 4 kesî ya ku di bin axê de mabû, dayîka 31 salî Çîgdem Kaya bi birîndarî hatiye rizgarkirin.
Tîman di bin ax û latan de bav Adem Kaya (35) û zarokên wî Ayla Kaya (7) û Açelya Lîna Kaya (5) jî dîtin lê hat tesbîtkirin ku ew mirine.
Hat zanîn ku lingên Çîgdemê şikestine û ew li Nexweşxaneya Perwerde û Lêkolînê ya Samsunê hatiye emeliyatkirin.
Parêzgarê Samsunê Orhan Tavli ragihand ku kesî din di bin axê de nemaye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse