Hewlêr (Rûdaw) - Serokê Desteya Bilind a Hilbijartinê ya Tirkiyê (YSK) Ahmet Yener diyar kir, ku qedexeya ragihandina encamên hilbijartinê ya li ser medyayan hatiye rakirin.
Beriya kêliyekê, Serokê Desteya Bilind a Hilbijartinan a Tirkiyê Ahmet Yener di daxuyaniyekê de ragihand, ji saet 18:15an ve qedexeya weşanê ya li ser medyayan a ji bo ragihandina encamên hilbijartinê bi dawî dibe.
Li gor encamên destpêkê yên nefermî, Recep Tayyip Erdogan li pêş Kemal Kiliçdaroglu ye.
Di gera yekem a hilbijatina serokkomariya Tirkiyê de, Berbijêrê Hevpeymaniya Cumhur Recep Tayyip Erdogan %49.52ê dengan, Berbijêrê Hevpeymaniya Millet Kemal Kiliçdaroglu %44.88ê dengan û Berbijêrê Hevpeymaniya ATAyê Sînan Ogan jî %5.17ê dengan bidest xistibû.
Di wê gerê de, Erdogan 27 milyon û 133 hezar û 849 deng, Kiliçdaroglu 24 milyon û 595 hezar û 178 deng û Sînan Ogan jî 2 milyon û 831 hezar û 239 deng bi dest xistibûn.
Ti berbijêrekî ji sedî 50+1ê dengan bidest nexist, lewra hilbijartina serokkomariya Tirkiyê di navbera Erdogan û Kiliçdaroglu de mabû gera duyem.
Di gera duyem de, her berbijêrek bikare piraniya dengan misoger bike, dê wek serokkomarê nû yê Tirkiyê bê hilbijartin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse