Ji 7 welatan 160 werzîşvan li Amedê ketin pêşbirkê

Navenda Nûçeyan -  Etaba çaremîn a Tura Duçerxeyan a Mezopotamyayê ya Navneteweyî ji 7 welatan bi 160 werzişvanan ve li Amedê dest pê kir.

Etaba çaremîn a tura duçerxeyê (bisiklêt) li navçeya Sûrê herêma Îçkaleyê dest pê kir.

Cîgirserokê Sekreterê Giştî yê Şaredariya Mezin a Amedê Alî Sabaz pêşbirk da destpêkirin, piştî îşareta destpêkirinê werzişvan ber bi Rihayê ve duçerxeyên xwe ajotin.

Yunus Emre Yilmaz ê ji Kocaeliyê beşdarî pêşbirkê bû got ew kêfxweş e ku cihên dîrokî dibîne û wiha axivî: "Mêvanperwerî û rûşeniya Rojhilatê (mebesta wî Bakurê Kurdistanê ye) li Rojavayê tune. Ez vê herêmê hez dikim."

Muhammed Por Îsmaîl  ku ji Îranê hatiye jî wiha axivî: "Îsal pêşbirk wek tur tê lidarxistin. Ez hêvî dikim her tim dewam bike. Him ji bo werzişvanan pir xweş e. Bila pêşbirk bê qeza û bê bela derbas bibe."

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger